Euskal Herriko emakume ahaztuen izenak Iparraldeko kaleetan

  • Les Bascos elkarteak abiarazi du "Berdintasunaren bideak" ekinema, Euskal Herriko historiako emakume ezezagunak gogora ekartzeko. 

Agazkia: Kazeta.eus

2021eko urtarrilaren 05an - 11:04

Ipar Euskal Herriko kaleen %5ak baizik ez du emakumeen izena. Hori dela eta, Les Barcos elkarteak Euskal Elkargoaren laguntzarekin "Berdintasunaren bideak" deituriko ekimena abiarazi du, urte luzeetan zehar itzalean egon diren emakume garrantzitsuen izenak gogora ekartzeko. Ekimenak, hiriburuetako kaleen izenetan oreka bat lortzea du helburu. Kazeta hedabideak eman du honen berri.

Les Barcos elkartearen ekimenak hiru atal ditu: batetik, erakusketa; bestetik, hiriei zuzenduriko gida bat eta hirugarrenik, proiektuaren etapa ezberdinak kontatuko dituen dokumentala.

Lehen izenak 

Bask’Elles LGTB elkarteko emazteen taldeak koordinatuko du kaleen izenak proposatzeko prozesua. Kazetak azaldu duenez, Internet bidezko galdeketa bat abiatuko du talde honek, herritar orok parte hartu ahal izan dezan. Ondoren, historialariek eta etnologoek osatutako talde batek proposatu izenak baieztatuko ditu. Eta herriek bere hautua egin dezaten, emazteen profilari buruzko informazioak bilduko dituzte liburuxka batean.

Oraingoz, bigarren mundu gerran sare klandestino batean parte hartu zuten emakumeen izenak proposatu dituzte, hala nola Amelina Devant-Legall edo Andree Niderbilh.

 

 

 


Kanal honetatik interesatuko zaizu: Kale izendegia
Olaia Beroiz: "Emakume errepresaliatuen kemena gogoratzea ezinbestekoa da"

Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]


Frankismoak errepresialatutako emakumeen izenez jantziko dira Txantreako karrikak

Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.


2023-12-13 | Axier Lopez
Gipuzkoa konkistatu zuen Gaztelako erregearen omenezko kaleari izena aldatu dio Arrasateko Udalak herritarren eskariz

Gipuzkoa Nafarroako Erresumatik aterarazi eta Gaztelarentzat konkistatu zuen Alfonso VIII. erregearen omenezko kaleari izena aldatuko diote. Horren partez, “17 emakume" deituko da kale hori, frankismoaren lege matxisten aurka borroka egin zuten herriko emakume batzuen... [+]


2022-09-23 | ARGIA
Kale izendegi parekidea helburu, Veronica Urkiola plaza inauguratuko dute Hondarribian

Hiriko paisaian eta zehazki kaleetan emakumeek duten presentzia urria orekatzeko asmoz, zazpi plazari emakumeen izenak jartzea proposatu zuen Hondarribiko Emeki emakumeen elkarteak. Zazpigarrena inauguratuko dute larunbat honetan: Veronica Urkiola Lekuona plaza.


Eguneraketa berriak daude