Kaosa EAEko hezkuntza publikoko esleipenetan

  • EAEko ikastetxe publikoetan, 10 irakasletik 4 behin-behinekoak dira eta horien esleipena Ordezkagunea aplikazio telematiko bidez egin du Jaurlaritzak. Aplikazioak huts egin du eta irakasle faltan daude hainbat ikastetxetan, postu bera eskaini zaie irakasle bati baino gehiagori, beste hainbati dagokiena baino baldintza okerragoak eskaini zaizkie, edo gauza bat eskaini zaie eta beste bat aurkitu dute gero ikastetxean… Haserre daude irakasleak, baina "arazo puntualak" direla eta "pazientzia pixka bat" eskatu du Cristina Uriarte Hezkuntza sailburuak.


2019ko irailaren 18an - 15:38

Ordezkoak Martxan plataforman, irakasle batek kontatu du plaza bat eskaini ziotela eta hiru egun geroago beste irakasle bat etorri zela, postu bera eskaini ziotela-eta. Azkenean, beste postu batera bideratu dute, “baina ez naiz esleipen honetaz fio, ez dakit lana izango dudan edo ez”. Beste batek dio Ordezkagunea aplikazioak postua esleitu zion arren, Gizarte Segurantzan ez dagoela altan; hirugarren batek %66ko lanaldirako postua eskaini zaiola eta %33koa aurkitu duela ikastetxean. Ikastetxe baten oharra ere aurkitu dugu: bi tutore eta bi laguntza-irakasle falta zaizkiela eta ikasturtea hasi zenetik egunero plaza horiek eskatu dituzten arren, Hezkuntza Sailetik ez dutela erantzunik jaso.

Cristina Uriarte: “Pazientzia pixka bat eskatzen da horrelako aplikazioak martxan jartzen direnean”

Kexu dira irakasleak eta langileak falta dira hainbat eskolatan. Aldiz, Cristina Uriarte Hezkuntza Sailburuak Euskadi Irratian adierazi du aplikazio positiboa dela Ordezkagunea: “Egia da arazo tekniko batzuk izan ditugula, horrelakoak gertatzen dira prozesu berri bat martxan jartzen denean”. Garrantzia kendu dio kontuari, “arazo puntual batzuk” baino ez daudela esanez; “pazientzia pixka bat eskatzen da horrelako aplikazioak martxan jartzen direnean”, gaineratu du.

Sindikatuek bat egin dute langileen haserrearekin. Anabasa, inprobisazioa, “neurri injustu eta txapuzeroak”, sistema berriari behar duen denbora eta prestaketa ez eskaini izana edota baliabide gutxi jartzea leporatu diote Jaurlaritzari, besteak beste. Irakasleen erreklamazioak jasotzen ari dira orain eta bide juridikoa ez dute baztertzen.

EH Bilduko legebiltzarkide Rebeka Uberak ere hainbat galdera zuzendu dizkio Hezkuntza sailburuari, idatziz erantzun ditzan. Hala nola, ondorengoak: zergatik jarri du abian Ordezkagunea plataforma inolako araudirik gabe? Zergatik ez du erredaktatu akats edo okerreko funtzionamenduaren ondorioz gertaturiko kalteen aurrean eman beharreko pausoen inguruan? Zergatik ez dute erantzunik jasotzen laguntza eske edo erantzunen eske Hezkuntza Sailera deitzen duten irakasleek?


Kanal honetatik interesatuko zaizu: Euskal eskola publikoa
Nerea Zubia Blazquez
"Erraz diogu ikastetxeen arteko lehia gainditu behar dela, baina errealitatean ez da hain sinplea"

Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]


Hezkuntza Legea ahulduta iritsi da azken txanpara

Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]


BeAtarrak: eskola publikoetako berrikuntza irauli nahi duen ereduak hasiera kaotikoa izan du

EAEko ikastetxe publikoei berrikuntza eta aholkularitza zerbitzua ematen zieten Berritzeguneak murriztu eta eskoletan postu berria sortu du Jaurlaritzak: BeAtarra. Ikastetxe bakoitzean gutxienez bat, berrikuntzaz arduratzen dena. Estreinaldi nahasiaz eta eredu aldaketaren... [+]


2023-07-05 | Tere Maldonado
Plantak egin

Ingurumaririk gabe, buru-belarri sartuko naiz harira: eskola publikoaren aldekoak oso atseginak izaten ari gara gauza batzuk eztabaidatzean. Serio, itunpeko ikastetxeekin gertatzen ari dena onartezina da. Zehaztasun eta zintzotasun osoz ahalegintzen ari gara argudiatzen, iritzi... [+]


Euskal Eskola Publikoaz Harrok manifestazioak antolatu ditu EAEko Hezkuntza Lege Aurreproiektuaren aurka

Ikasturte hasieran salatu bezala, Hezkuntza Lege Aurreproiektuak euskal eskola publikoa sendotu ordez ahuldu egiten duela adierazi du Euskal Eskola Publikoaz Harro Topaguneak. Haien ustez, publiko-pribatu sistema duala betikotzen du, ez du eskola publikoa lehenesten, ikastetxeak... [+]


Eguneraketa berriak daude