Kanbon 94 etxebizitza eraiki nahi dituen promotorearen bulegoa lurrez estali dute

  • Ostia kolektiboko kideak Bouygues higiezin-agentziak Angelun duen bulegoan sartu dira larunbatean, salatzeko promotore horrek 94 etxebizitza eraiki nahi dituela Kanbon, Marieniako laborantza lurretan. Proiektuaren maketa eta ingurua lurrez eta lastoz estali dute.


2022ko abenduaren 19an - 09:01
Azken eguneraketa: 10:59

Bouyguese Immobilier-ren proiektuak –Kanboko Herriko Etxearen onespena duenak– lau hektarea hartuko lituzke. "2014tik borrokatzen ari gira lur horien salbatzeko", diote "espekulazioari eta lurren artifizializazioari erantzutea" helburu duen Ostia mugimenduko kideek, larunbateko ekintzaren harira plazaratutako bideoan.

Urteotan hainbat mobilizazio egin dituzte Marienia ez Hunki plataforman biltzen diren eragileek, manifestazioak eta okupazioak tarteko. Hain justu, Marienian lanak hasten badituzte blokatu egingo dituztela adierazi dute Ostiako kideek. Angelun egin duten ekintza "Marienia ez eraikitzeko abisua" izan dela adierazi du ekintzaile batek, Kazeta.eus-ek jaso duenez: "Baldin eta egun batez Bouyguesek Marienian obrak hasten baditu, gaur maketarekin egin duguna egingo dugu xantierrean".

"Porlana botatzen badute Marienian guk lurra ezarriko dugu, eta proiektu horrekin tematzen badira, guk lanak blokeatuko ditugu, xantierra oztopatuz", ohartarazi du beste ekintzaile batek.

 


Kanal honetatik interesatuko zaizu: Lurraren espekulazioa
2024-05-28 | Euskal Irratiak
Kanboko Marieniako eraikuntza proiektua gaitzetsi dute larunbatean

Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.


2024-04-11 | Estitxu Eizagirre
Otxantegi Herri Lurraren II. urteurren jaia
“Otxantegiko lur emankorrak ezin dira porlan azpian geratu, arnasgunea izan behar dute”

Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]


2023-11-21 | ARGIA
Otxantegi Herri Lurrak erresistentzia gosaria deitu du ostegunerako

Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]


Eguneraketa berriak daude