ARGIA.eus

2021eko apirilaren 22a

Kalez jantzitako poliziek hirugarren gazte bat atxilotu zuten asteazkenean Donostian

  • Astelehenean izan zen polizia indarren errepresioaren aurkako mobilizazioa Donostian. Ertzaintza manifestarien aurka oldartu zen eta istiluak izan ziren Alde Zaharrean eta, dirudienez, gertakari horiekin lotuta atxilotu zuten asteazkenean gazte bat. Handik gutxira utzi zuten aske.

Gedar Langile Kazeta @GedarLangileKZ
2020ko abenduaren 17a
Albiste hau Gedar Langile Kazetak argitaratu du eta Creative Commons BY-SA 2.0 lizentziari esker ekarri dugu.
Astelehen gauean istiluak izan ziren Donostiako Alde Zaharrean. Argazkia: gedar.eus.

Kalez jantzitako poliziek beste pertsona bat atxilotu zuten asteazken arratsaldean Donostiako (Gipuzkoa) Alde Zaharrean, joan den astelehenean auzoko gazteek egin zuten manifestazioaren osteko istiluen harira, antza. Momentuz, beraz, hiru dira gertakari horiekin lotuta polizia indarrek atxilotutako lagunak.

Aurreko larunbatean istilu larriak izan ziren Donostiako Alde Zaharrean, polizia indarrak hainbat gazteren aurka oldartu ostean. Eraso horiek salatzeko, manifestazioa egin zuten astelehen iluntzean eta, amaieran, Alde Zaharra hartu zuen Ertzaintzak. Istiluak hasi ziren orduan.

Ertzainek bi pertsona atxilotu zituzten gau horretan eta, esan bezala, atzokoa izan zen hirugarren atxiloketa. Atzeman eta gutxira utzi zuten aske gaztea.

Albiste hau Gedar Langile Kazetak argitaratu du eta Creative Commons BY-SA 2.0 lizentziari esker ekarri dugu.
Kanal hauetan artxibatua: Covid-19 shockean adi  |  Donostia

Covid-19 shockean adi kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude