ARGIA.eus

Itzulpen automatikoa / Machine translation

Kalean edateagatik lan komunitarioak, sentsibilizazio programak eta tratamenduak eskaini nahi dizkie gazteei Jaurlaritzak

  • Eusko Jaurlaritzak esku artean duen dekretu batek ordain ekonomikoaren alternatibak eskainiko dizkie kalean edateagatik isuna jarri dieten 25 urtetik beherakoei. Gazteak arau-haustearen erantzukizuna beregain hartu beharko du isuna ordaintzetik salbuetsiko duen bidetik jo nahi izanez gero. Lan komunitarioak, sentsibilizazioa programak eta adikzioen tratamenduak izango dira isunaren alternatibak.


2021eko irailaren 29an - 09:44
Azken eguneraketa: 12:37

Asteazkenean Vocento taldeko egunkariek filtratu dutenez, Eusko Jaurlaritzak esku artean darabil kalean edateagatik jarritako isunei eragingo lieken dekretua. El Diario Vascok laburbildu duenez, dekretuaren bidez "Euskadik boteiloia egiten duten gazteei jarritako isunak neurri alternatiboengatik ordezkatuko ditu", eta ordain ekonomikoaren ordez lan komunitarioak egiteko aukera eskainiko die, edota sentsibilizazioa programetan zein adikzioen tratamenduetan parte hartzeko aukera luzatu.

Neurriaren irismena mugatua izango da, eta jendarte osoari aplikatu beharrean, 18 eta 25 urte artekoentzat edo gazteagoentzat planteatzen da gehienbat, Naiz-ek jaso duenez. Azken hilabeteetan kalean bildu eta edateagatik hedabideetan oihartzun handia izan duen jendartearen zatiarentzat, hain zuzen ere. El Diario Vascoko Aiende S. Jiménez kazetariaren hitzak irakurrita, dekretua disuasio-neurri gisa uler daiteke, adin tarte horretako pertsonen aisialdi-ohituretan eragin asmo duena. Hala dio: "Neurri zigortzaile hori gurasoek ordaintzen dute azkenean, eta arau-haustea egiten duten neska-mutilentzat ez da batere hezitzailea edo disuasiozkoa".

Dekretuak turistak ere salbuetsiko ditu, soilik EAEko biztanleen kasuan izango baita aplikagarria.

Gaur gauzkoz, kalean edateagatik zigortuak 30 eta 600 euro arteko isunari egin behar izaten dio aurre. Dekretu horrekin, ordain ekonomikoaren ordez lan komunitarioak egitea, kontzientziazio programetan parte hartzea edota menpekotasunen tratamendua abiatzea aukeratu ahalko luke zigortuak. Bide horietakoren batetik jo nahi duenak, hamabost eguneko epea izango luke bere erabakia jakinarazteko, eta arau-haustearen erantzukizuna beragain hartzea izango luke baldintzatzat. Adin txikikoen kasuan, bere tutoreen baimena eskatuko zaie.


Kanal honetatik interesatuko zaizu:: Gizarte politikak
Diru Sarrerak Bermatzeko Errentaren araudi berriak "isilpean" murrizketak dakartzala salatu dute

ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.


Lanbiden dirulaguntzak eskatzen dituztenak jomuga dituen kontrol unitatea sortu dute

Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]


Pobreziaren kontrako “euskal sistema”

EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]


Diru-Sarrerak Bermatzeko Errentaren lege berria indarrean sartu da kritika artean

Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]


Ertzaintza egunero miaketak egiten ari da prestazio ekonomikoak eskatu dituen jendearen etxeetan

Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]


Eguneraketa berriak daude