Kalean da 'Aldizka' gehigarriaren lehenengo zenbakia
Pasa den asteburuan banatu zuten Aldizka herri aldizkarien gehigarri berriaren lehenengo zenbakia. Herri Komunikabideak kooperatibak argitaratzen duen aldizkariak gai bakarra jorratuko du zenbaki bakoitzean. Aurrenekoan, esaterako, labeldun produktuak izan ditu hizpide. Aldizka gehigarria Aikor, Aiurri, Anboto, Astelehenetako Goienkaria, Barren, Begitu, Drogetteniturri, Guaixe, Karkara eta Maxixatzen aldizkarietako harpidedunek jasoko dute etxean; 45.000 lagunek orotara.
Gipuzkoako Aiurri hamabostekaria eta astekaria itxi egingo dira hilabeterako; eta langileei erregulazio espedientea ezarriko zaie. "Aurrez ere baziren korapilo eta oztopoak are gehiago korapilatu direlako hartu dugu erabakia", dio Aiurrik plazaratutako oharrak.
Guardia Zibilak Jon Lizarribar atxilotu du gaur goizean Urnietan, eta Ruben Gelbentzu Andoainen.
Euskara hutsean lan egiten duten hainbat hedabidek Hekimen elkartea sortu dute. Donostiako Koldo Mitxelenan egin dute aurkezpena gaur eguerdian, eta han aurkeztu dute zuzendaritza. Iban Arantzabal izango da presidentea lehendabiziko urtean.