Van Gogh-en obrari zopa bota zion Just Stop Oil taldea, ekintza zuzenen kanpainan murgilduta dabil
Just Stop Oil talde ekologistak joan den astean mundu osoko hedabideen arreta bereganatu zuen Van Goghen margolan bati –aurrean kristal bat zuela– zopa bota ostean. Ez zen ekintza isolatua izan ordea. Talde ekologista urria hasi zenetik, egunero-egunero, Londresen protesta ekintzak egiten ari baita eta dagoeneko 370 kidetik gora atxilotu dituzte. Ekimenen bideo bilduma egin dugu.
Urriaren 21ean, ostiral goizean, munduko saltoki handienetakoa den Harrods-en fatxada margotu dute Just Stop Oil taldeko kideek pinturaz betetako su-itzalgailuak erabiliz, bertara sarbideak blokeatu dituzten bitartean.
"Jendea izoztu egingo da etxean negu honetan, Gobernuak aberatsei zergak ordainarazteari uko egiten dion bitartean", salatu du bozeramaleetako batek.
18 kide atxilotu ditu Poliziak ekintza honengatik. Hemen ikus daiteke bideoa.
Aldaketa klimatikoaren aurkako ekintzaile horiek gaiarekiko arreta deitzea dute helburu eta urrian egunero protesta ekintzak egingo dituztela jakinarazia dute. Oraingoz behintzat, pultsuari eutsi eta egunez egun protesta desobedienteak egiten ari dira. Azpian zenbait bideo beren Youtubeko kanaletik.
Eta nor dira Just Stop Oil taldekoak? Beren webgunean horrela aurkeztu dute beren burua: "Talde ugariren arteko koalizioa da, lortzeko gobernuak ez duela lizentzia berririk emango erregai fosilak bilatu, garatu eta produzitzeko Erresuma Batuan". Beren hitzetan, horixe da biziraupena lortzeko lehen urratsa. Astero 20 eta 30 bilera artean egiten dituztela diote, aurrez aurre eta online, Erresuma Batuko hiri ugarietan.
Urrian, egunero goizeko 11:00etan Westminster-en jartzen dute hitzordua, Occupy Westminster lelopean.
Orain arteko zenbait ekintza
Urriaren 18an Londresko zubi erraldoi batera igo eta bertan zintzilikatu ziren.
Urriaren 16an luxuzko autoen saltoki bat margotu zuten.
Urriaren 14an Van Gogh-en Eguzkiloreak lanari –aurrean kristal bat zuela– zopa jaurti zioten.
Egun berean Scotland Yard-en (Londresko Polizia) egoitzari bota zioten pintura.
Urriaren 12an Westminster inguruak blokeatu zituzten errepideak moztuta ekintzaileak elkar kateatuta.
Urriaren 10ean ekintzaile bat, protesta batean, Poliziaren furgoneta gainera igo zen.
Urriaren 8an errepide mozketa.
Urriaren 2an Waterloo zubia blokeatu zuten adin guztietako ekintzaileek.
Teofanes Aitorlea kronikalariak jaso zuenez, 763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.
Orain arte klima hoztea, besteak beste, jarduera... [+]
Hauteskunde-kanpainen arteko tarte gero eta estuagoan, komeni da XXI. mendeko urte erabakigarrietan sartu garela gogoraraztea. Adibide bakarra jartzearren, ozeanoen tenperatura-errekorrak etengabe gainditzeak izututa dauzka zientzialariak, eta dagoeneko ez dakite egoeraren... [+]
Etiopia, Somalia eta Kenyako hainbat eskualdetan ia hiru urtez euririk gabe egon ondoren, azkenaldian urpetuak izan dira. Sasoi kontrasteak ohikoak izanik ere eskualde hartan, klima aldaketarekin larritzen dira, eta euriak hobeki baliatzeko hainbat tokiko ekimen garatzen ari... [+]
Frantziako Estatuaren menpe segitzen duen Indiako Ozeanoko Mayotte irlan biderkatuz doaz kolera kasuak. Uraren kudeaketa kaskarra izan ohi da eritasun horren zabalpenaren arrazoietan eta, hain justu, uraren krisi gogorrari aurre egin nahian dabiltza bertako herritarrak. Bigarren... [+]
Munduko Meteorologia Erakundearen (MME) 2023ko txostenak erakusten du beste behin ere markak hautsi direla klimaren adierazle diren hainbat alorretan: berotegi-efektuko gasak, lurrazaleko tenperatura, ozeanoen berotzea eta azidotzea, itsasoaren mailaren igoera, Antartikako itsas... [+]