Julian Assangek espetxean jarraitzea agindu du Erresuma Batuko Justiziak

  • WikiLeakseko sortzaileetakoak espetxean jarraitu beharko du. Hala erabaki du astezkenean Londresen Vanessa Baraitserrek, astelehenean Assange AEBetara ez estraditatzea erabaki zuen epaile berak.


2021eko urtarrilaren 07an - 08:46
Julian Assange Ekuadorrek Londresen duen enbaxadan. Han zazpi urtez bizi izan zen eraikinetik atera gabe. Argazkia: Pressfrom

Julian Assangek ezin izango du, oraingoz, ia hamarkada batez izan ez duen askatasuna berreskuratu. Vanessa Baraitser epaile britainiarrak baldintzapeko askatasuna ukatu dio asteazkenean WikiLeakseko sortzaileari, ihes egiteko arriskua duela argudiatuta. Assangek lehen garaipen judiziala lortu eta bi egunera hartu dute erabakia; astelehenean, bere buruaz beste egiteko arriskua dagoela argudiatuz, Baraitser epaileak Assange AEBetara ez estraditatzea ebatzi zuen eta.

Epaileak, oraingoan, Assangeri baldintzapeko askatasuna ez emateko, bere egin ditu AEBetako interesen ordezkari gisa aritzen den Erresuma Batuko Fiskaltzaren argudioak. Akusazioaren arabera, ihes egiteko arriskua dago, "Assangek estradizioa saihesteko ezohiko neurriak hartzeko gai dela erakutsi duelako", Ekuadorrek Londresen duen "enbaxadan errefuxiatuta igaro zituen urteetan gertatu zen bezala", adibidez.

Gainera, espetxetik ez ateratzeko argudio gisa, Fiskaltzak nabarmendu du kazetari australiarrak "baliabideak" dituela ihes egiteko, eta zehazki Mexikoko Gobernuak astelehenean Assangeri eskainitako asilo politikoaren aukera aipatu zuen. Assangeren defentsaren abokatu Edward Fitzgeraldek Mexikoko presidente Andres Manuel Lopez Obradorren hitz horiek gaizki ulertu dituztela argudiatu zuen; izan ere, Obradorren eskaintza prozesu guztiaren amaieran soilik aplikatuko litzatekeela dio, eta ez zizkion Londresko enbaxadako ateak ireki.

AEBek Assange ez estraditatzeko erabakiaren aurka helegitea aurkezteko asmoa dutela adierazi dute. Beraz, kasuak zeresana ematen jarraituko du.


Kanal honetatik interesatuko zaizu: Wikileaks
Kristinn Hrafnsson Assangeren emaztea: “Estraditatzen badute, hil egingo da”

Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.


Assange AEBetara estraditatzeko argi berdea eman du Erresuma Batuko gobernuak

Erresuma Batuko Barne ministro Priti Patelek argi berdea eman dio Julian Assangeren estradizioari. Iragan martxoaren 14an eman zuen estradiziorako baimena herrialdeko Auzitegi Gorenak, baina orain heldu den gobernuaren iritzia falta zen.


2022-04-20 | ARGIA
Julian Assange AEBetara estraditatzeko baimena du Erresuma Batuko justiziak

Gobernuak erabaki behar du orain Wikileaks-eko sortzaileetako bat den Assange estraditatuko duen edo ez. Erabakiari helegitea jarriko diote bere abokatuek.


Nils Melzer, NBEko torturaren inguruko kontalari berezia
“Kazetari guztiak beldurtzea da Assangeren aurkako epaiketaren helburua”

Nils Melzer NBEko torturaren inguruko kontalari bereziak Julian Assange kazetariaren kasua ikertu du. Ikerketa horren xehetasunak azaldu zituen lehen aldiz 2020ko otsailean Suitzako Republik hedabide independenteko Daniel Ryser kazetariak egindako elkarrizketa zorrotz eta... [+]


2021-01-04 | Axier Lopez
Erresuma Batuko justiziak ez du Julian Assange estraditatuko

Erresuma Batuko justiziak Wikileaks-eko sortzaileetako bat, Julian Assange, AEBetara ez estraditatzea erabaki du astelehen honetan. Assangek "bere buruaz beste egiteko arriskua" aintzat hartuta erabaki du Vanessa Baraitser epaileak. AEBetako agintariak ordezkatzen... [+]


Eguneraketa berriak daude