Judimendi auzo eskola ez da etorri berria
Ongi etorria eman digu Unai Mendizabalek A eredutik D eredura aldaketa egitea erabaki dugulako Judimendi auzo eskolan. Bidea malkartsua izango dela ere ohartarazi digu Armentia Ikastolako guraso eta Arabako Ikastoletako lehendakariak. Gure esker ona adierazi nahi diogu eman digun ongi etorriagatik, eta, aldi berean, gure eskolaren eta, oro har, eskola publikoaren izaeraren inguruko bi gogoeta luzatu nahiko genizkioke.
Alde batetik, ez gara heldu berriak, aurrera pauso bat eman dugun arren; alegia, orain arte ere milaka euskal herritar berrirentzat gu izan gara euskararekin eta euskal kulturarekin izan duten lehenengo hartu-emana. D eredura pasatzeko prozesua ikasturteka garatuko da eta datozen zortzi urteetan A ereduko ikasleak izango ditugu gure ikastetxean. Haien hezkuntza eskubidea ahalik eta modu eraginkorrenean bermatzen jarraituko dugu, behar gehien duten ikasleei gure konpromiso eta ahalegin handiena eskainiz, beti egin izan dugun bezala. Txalo eta laudorio gutxi jaso izan ditugu horren beharrezkoa den eginkizun horri arduratsu heltzeagatik, baina eskolako langileok ondo dakigu zelako ahalegina egin dugun azken urteotan premia gehien duten ikasleen eskubideak bermatzeko, euskararen eta euskal kulturaren ezagutza barne.
Euskaratik urruti dauden horiek ere gure eskolan nahi ditugu, euskara bere egin dezaten, ikasle horien eskubidea ere badelako euskara ikastea. Eta euskarak haiek ere behar dituelako
Murgiltze eredua orain arte eraikitako guztiari gehitu diogu eta oso garrantzitsua da. Baina ez dugu uste eredu aldaketa soil batek, bere horretan, ezer bermatzen duenik. Euskararen aldeko ekimenak, gizarte kohesioa eta inklusioaren aldeko konpromiso irmorik gabe, ez dira nahikoak. Euskaratik urruti dauden horiek ere gure eskolan nahi ditugu, euskara bere egin dezaten, ikasle horien eskubidea ere badelako euskara ikastea. Eta euskarak haiek ere behar dituelako.
Bestetik, aniztasunak gure izaera aberasten du, eta beti izan da gure ezaugarri nagusia, gure hezkuntza proiektuaren oinarria. Ez dugu aldatzeko asmorik, ez baitago ikaskuntzarik aniztasunik gabe. Eskola publiko guztion berezko ezaugarria da hau. Ezberdin sentitu, pentsatu eta sinisten dutenen arteko elkarbizitza izan da eta izango da gure hezkuntza proiektuaren muina, horrelakoa delako gure auzoa, gure hiria, gure gizartea, eta horrelakoak izaten jarraitu nahi dugu.
Gainontzeko eskola publikoek bezala, aniztasuna eta ezberdinen arteko elkarbizitza abiapuntu hartuta eraiki dugu Judimendi auzo eskola. Jauzi garrantzitsua eman dugu eskola komunitate osoaren inplikazioari eta auzoko eragileen bultzadari esker, baina ez diogu izan garenari uko egin, eraikitzen jarraitzen dugu eskola publikoek gure herri eta auzoetako ikasle guztien eskubideak bermatzeko egin duten bideari jarraituz, eta euskararen zabalkundea erraztuz.
Amaia Zudaire eta Aitor Idigoras, Judimendi auzo eskolako langile taldearen izenean
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]