Jokin Aranalde Espainiaren esku uztea ebatzi du Paueko fiskalak

  • Euskal errefuxiatuen bozeramaileetako bat den Jokin Aranalde Olaondo Espainiaren esku uztea ebatzi zuen atzo Paueko fiskal nagusiak. Pasa den apiriletik, Espainiako Auzitegi Gorenaren euroagindu bat zegoen Aranalderen aurka, "talde terrorista baten baitan Espainian 2002. urtean gertaturiko ekintzetan parte hartzea" leporatuta.


2013ko irailaren 11n - 00:00
Azken eguneraketa: 2015-02-26 13:37:33
Beñat Atorrasagasti, Jokin Aranalde eta Aitor Zubillaga, bake prozesuaren harira uztailean egindako agerraldian.

Joan den ekainaren 24an, Heletan atxilotu zuten 67 urteko Jokin Aranalde. Bake prozesuaren harira, errefuxiatuek Miarritzen egindako agerraldian parte hartu zuten bozeramaileetako bat izan zen. Orain, Louis Parant Paueko epaitegiko epaileak dio bi ETAkide errekrutatu ahal izan zituela Jokin Aranaldek, tartean Maite Aranalde alaba, Poitiersen preso. Hori dela-eta, Madrileko justiziaren esku uztea erabaki du Parantek.

Jokin Aranalderen abokatu Amaia Recartek salatu egin du Espainiaren euroagindua, "akats nabarmen batean oinarritua" eta beraz, gaineratu du ez dela onargarria Aranalde Espainiaren esku uztea. Espainiako poliziaren lekukotzan oinarritutako euroagindua izan zela dio, eta alabak eta beste ETAkideak ukatu egin dutela Jokin Aranaldek errekrutatu zituenik.


Kanal honetatik interesatuko zaizu: Iheslariak
2023-05-05 | Gedar
Nortasun zedula eskuratu du Asier Guridi iheslari politikoak

Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.


Luis Roncero eta Anartz Aranbarri iheslari ohiak Euskal Herrira bueltatu dira

Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira. 


20 urte bete ditu Ataramiñe argitaletxeak, eta antologia bat ondu du urteotako hainbat lanekin

2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]


Nguyen Van Dong, euskal errefuxiatuen aldeko keinu ahaztua

Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.


Xanti Zapirain errefuxiatu historikoa eta idazlea hil da

Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]


Eguneraketa berriak daude