Jaurlaritzak, Nafarroako Gobernuak eta EPPk euskararen hitzarmena berritu dute

  • Jaurlaritzaren bozeramaile Bingen Zupiriak, Nafarroako Foru Komunitateko Herritarrekiko Harremanetarako Kontseilari Ana Ollok eta Euskararen Erakunde Publikoaren lehendakari Antton Curutcharryk sinatu dute akordioa ostiral honetan Baionan.


2021eko urriaren 22an - 14:31
Azken eguneraketa: 16:37
Argazkia: Irekia

Lurralde bakoitzaren errealitate politiko eta soziolinguistikoa kontuan hartuta egin da hitzarmena, Eusko Jaurlaritzako Irekia atariak azaltzen duenez, “beti ere, legeek lurralde bakoitzari ematen dizkioten eskumenen esparruan”. Hiruen arteko lehen hitzarmena 2017an sinatu zen Iruñean.

Hitzarmenak euskararen sustapenean lankidetza bultzatzeko helburua du eta, besteak beste, hezkuntza, helduen euskalduntzea, euskararen erabilera, ikerketak edota euskarari buruzko gogoeta zehazten ditu.

Irakaskuntzan, esaterako, “ikasleen mugikortasuna eta goi mailako ikasketak beste lurralde baten egin nahi dituzten ikasleentzat unibertsitateko edo eskoletako sarbide aukerak eta moduak aztertuko dira”.

Helduen euskalduntzean elkarlanean arituko dira euskararen gaitasun-maila ebaluatzeko eta egiaztatzeko probak eta sistemak diseinatzerakoan. Aisialdian, kirolean, ingurune digitalean, arlo sozioekonomikoan dauden euskarazko baliabideak eta esperientziak aztertu eta partekatuko dira.

Ikerketa soziolinguistikoaren arloan, berriz, datuen bilketa elkarlanean egitea zehazten du hitzarmenak, beti ere euskararen eremu osorako bateragarriak eta, aldi berean, lurralde bakoitzeko hizkuntza politikak egituratzeko baliagarriak izateko.

Hitzarmena 2021-2025 urteetarako egongo da indarrean. Urtean behin bilduko den batzorde mistoa eratuko dute Baionan hitzartutakoaren jarraipena egiteko.


Kanal honetatik interesatuko zaizu: Euskara
2024-05-20 | ARGIA
"Geldi euskara zapaltzea" margoketagatik, pertsona bat auziperatuko dute

Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.


2024-05-20 | ARGIA
Nafarren %26ak euskararen ezagutza mailaren bat dauka

Nastat-ek, Nafarroako Estatistika Institutuak, 2022an egindako ikerketa lanaren emaitzak argitaratu ditu. Euskaldunen proportzioa %15,1ekoa da, euskaldun hartzaileena %11,6koa eta ez-euskaldunena % 73,3koa. Hogei udalerritan euskaldunen proportzioa %80tik gorakoa da.


Euskara lehenestea eskatu diote Jaurlaritzari eta EITBri Gasteizko kaleetan

Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.


2024-05-17 | ARGIA
Auzitegi Gorenak ez du onartu tramitera Gipuzkoako Aldundiak Uliazpiko hizkuntz eskakizunen harira jarritako helegitea

2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]


Eguneraketa berriak daude