Jaurlaritza Janssen enpresa farmazeutikoarekin bildu da
AEBetako Janssen farmazeutikak eskatuta egin dute bilera martxoaren 1ean Eusko Jaurlaritzan eta beraien txertoa Europan baimentzeko prozesua zertan den azaldu diete. Jaurlaritzaren hitzetan, lehen bilera horrek "Osasun Sailak eta Janssenek lankidetzan jardun dezaten" balio izan du.
Eusko Jaurlaritzako Osasun sailburu Gotzone Sagardui eta Janssen farmazeutikak Espainian eta Portugalen duen Luis Diaz Rubio zuzendaria elkartu dira bileran. Baita Osasuneko sailburuorde José Luis Quintas eta Farmaziako zuzendari Iñaki Betolaza, eta Janssenen aldetik, Garapen eta Gobernantza zuzendari David Beas, Erakunde Harremanetarako zuzendari Ramón Frexes eta Erakunde Harremanetarako Arloko zuzendari Lander Sáez.
Jaurlaritzak emandako informazioaren arabera, "txertoa Europan baimentzearen egoerari buruzko informazioa eguneratzeaz gain, ikerketarekin, produktu berrien garapenarekin edo topaketa-foroekin lotutako beste gai batzuk landu dira, Osasun Sailak eta Janssenek lankidetzan jardun dezaten".
%66ko eraginkortasuna duen txertoa baimenaren zain
Otsailaren 19an aurkeztu zion Janssen farmazeutikak OMEri dosi bakarreko bere txertoa zerrendan sartzeko eskaera. Aurkeztutako datuen artean, hirugarren faseko entsegu klinikoaren emaitza probisionalak zeuden, eta horien arabera, COVID-19aren aurrean %66ko eraginkortasuna izango luke. Prozedura azkar honen bidez, gobernuek ebaluatu dezakete botika berri edo lizentziarik gabeen erabilera emergentziek iraun bitartean, produktu hauek eskuratzeko denbora azeleratuz.
Espero da martxoaren 11n gomendatuko duela Europako Medikamentuen Agentziak txerto honen erabilera.
Janssen bakuna: albo-ondorio gehiago gazteetan zaharretan baino
Medikamentuen eta Elikagaien Erakundeko (FDA ingelesezko sigletan) aholkularien txostenaren arabera, entseguetan parte hartu zuten 18-59 urte bitartekoek albo-ondorio gehiago izan zituzten 60 urtetik gorakoek baino. Redaccion medica hedabideak jasotzen duenez, 18-59 urte bitartekoen %44,4k buruko mina izan zuen eta 60tik gorakoen 30,4k. Eta nekea da eragin duen beste albo-ondorio nabarmenetakoa: 18-59 urte bitartekoen %43,8ri eta 60 urtetik gorakoen %29,7ri. Giharretako mina izan zuen 18-59 adin tartekoen %39,1ek eta 60 urtez gorakoen %24k. Oka egiteko gogoa eta sukarra dira beste albo-ondorio batzuk, ziztada jaso duen zonaldean hanturak eta eritemak izatearekin batera.
Albo-ondorioei aurre egiteko analgesikoak hartu zituzten 18-59 adin tartekoen %26,4k eta 60 urtez gorakoen %9,8k.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]