Jaurlaritza ikuskizunetako teknikariez ahaztu dela salatuko dute sektoreko langileek
Ostegun honetan elkarretaratzea egingo dute ikuskizunetan lan egiten duten teknikariek Bilboko Eusko Jaurlaritzaren egoitzaren aurrean. Goizeko 11etan beltzez jantzita eta euren lan tresnak eskuan agertuko dira, alarma-egoeraz geroztik bizi duten egoera eta erakunde publikoak haietaz ahaztu direla salatzeko.
“Ikuskizun eta ekitaldietako teknikariok alarma egoeran jarraitzen dugu”, irakur daiteke duela gutxi sortutako Teknikariok sindikatuak uztailaren 2ko elkarretaratzea deitzeko zabaldu duen kartelean. Arte eszenikoen, ikuskizunen eta ekitaldien teknikariak biltzen ditu eragile berri honek eta COVID-19ari aurre egiteko neurrien eraginez “egoera jasangaitza” bizi dutela salatu dute. “Langabezia arrisku erreala” bizi dutela nabarmendu dute eta bizirautea ezinezkoa egiten zaiela, “besteak beste sektorearen zati txiki bati bakarrik mesede egiten dioten laguntza eskasen ondorioz”.
Erregulatu gabeko sektorea da teknikariena. Alor horretan ari diren profesionalek etenik gabeko ordutegiak dituzte, lan-segurtasun falta eta, pandemia-giro honetan bereziki nozitu duten egoera: langabezia-laguntzak jasotzeko eskubiderik gabe geratu direla. Egoera horri aurre egin nahian hasi dira mobilizatzen.
Esplikatu dutenez, teknikari baten kasuan ez da arraroa lan bera egin arren figura laboral desberdinetan sailkatuta egotea –soldatapeko langile finkokak, behin-behinekoak, obrakoak eta zerbitzukoak edo autonomo-araubidean alta emandakoak–. Nahaste hori argitzeko, hitzarmen kolektiboa eskatu du sindikatuak, gai horiek erregulatu daitezela eta teknikariak babestu ditzatela.
Eusko Jaurlaritzari eskaera zehatzak egin dizkio Teknikariokek: sektoreko langileentzat 1.200 euro arteko laguntza osagarria, pandemiak eragindako lan-eskasiaren aurrean gutxieneko diru-sarrera bermatuta eduki ahal izateko; ez dadila teknikarien sektorea albo batera utzi enpleguaren jarraipena bermatzeko jaso diren kapital ekarpenetatik; Aldi Baterako Enplegu Erregulazioak luzatzea “normaltasuna” itzuli arte –edo gutxienez lana jarraikortasunez egin ahal izatea berriz posible izan arte–; obra eta zerbitzu ez jarraietan altan dauden langileen kasuan, behin-behinekotasuna aitor diezaietela, alarma-egoera deklaratu zen egunean altan egon ez arren; eta autonomoen kasuan, kuoten ordainketak geldiaraztea eta jardunaren etena konpentsatzea.
Bai, aste honetan Chill Mafiak agur esan du eta zer eta musean jokatzen. Mus Corrido kantuan, metaforak hegan. Hordago batzuk bai bota dituela taldeak iraundako hiru urteotan. Jaso gabeko enbidorik geratuko zen bidean, jakina, baina momentuz, nahiko; jaso... [+]
Urduritasunaren alarmak mugikorrekoak baino ordubete lehenago jota hasi da niretzat Donostiako 72. Zinemaldia, edo halabeharrak edo oparitu didan rol honetan. Goiz gosaldu eta akreditazioaren bila joan ostean, Victoria Eugenia antzokira hurbildu naiz 9:00etarako saiora, Emilia... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]
Putzua
Goiatz Labandibar
Erein, 2024
----------------------------------------------------------
Goiatz Labandibarren Putzua egun batean gertatzen den hazkunde nobela bat da: hilekoa jaisteak markatzen duena, hain zuzen ere. Edo bestela esanda, heroiaren bidaia bat,... [+]
Azken aukera asteburu honetan 'Inexa de Gaxen' pastorala ikusteko.
Gipuzkoako Bertsolari Txapelketako lehen asteburua jokatuta, Lazkaoko eta Elgoibarko saioen txanda da orain. Irailaren 21ean izango da lehenengoa, eta 22an bigarrena. Sarrerak eskuragai daude bertsosarrerak.eus atarian.
Taldeak bere azken lana izango den Agur eta ohore x allá va la despedida lana kaleratu berri du. Oholtzak utzi eta agur bira egingo dutela iragarri du Chill Mafiak hiru urteren ostean. Iruñean abenduaren 25ean egingo dute azken kontzertuetako bat.
Ezaguna da enpresa frantses batzuek (Thales, Airbus, Dassault) aspalditik laguntzen dutela Israel haren ekipamendu militarra osatzen. Disclose elkartearen inkesta baten arabera, berriz, Frantziako Gobernuak berak hornitu dizkio osagai elektronikoak Israeli, Gazako zibilak... [+]
Boga Boga festibala antolatu dute Donostian, eta jaialdiaren bezperatan, EHUko Uda Ikastaroen barnean, bi eguneko jardunaldiak egin dituzte Dabadaba aretoan, Egia auzoan. Hainbat musikari ez ezik, zenbait makrofestibalen antolatzaileak bertaratu dira hizlari gisa, baita... [+]
Zuzentasun politikoaren etsai amorratua bilakatu da Bruce LaBruce (Southampton, Kanada, 1964) zinemagile gay-a. Filmatzeko sosik gabe, emakume zoro eta punkiekin bizi zela etxetzar batean, lagun horien bizitzak dokumentatzen abiatu zen. Antzera dihardu egun: aurrekonturik gabe,... [+]
