Jakoba Errekondoren “Etxeko landareak” liburua kalean da
Jakoba Errekondok liburu berria argitaratu du ARGIArekin: "Etxeko landareak". Liburu honetan irakur daitezke etxe barruko, kanpoko zein balkoiko landareak egoki zaintzeko gakoak, eta 91 landareri buruzko argibide zehatzak. Egileak liburuaren aurkezpenean emandako hitzaldia ikusentzun daiteke bideo honetan.
Etxeko landareak liburuari esker, Jakoba Errekondoren eskutik ezagutuko dugu landare bakoitzaren jatorria eta beraz, bere klimaren ezaugarriak. Asmatuko dugu landare bakoitza zenbat eta nola ureztatu; zenbat argi eta zer tenperatura behar duen; nola ongarritu; zein dituen gaitz arruntenak eta nola aurre egin horiei; etxeko landare hori nola ugaldu eta landare bakoitza zaintzeko zein diren trikimailu eraginkorrenak.
Landareak bezain eder den liburua
Liburua mardula bezain polita da: 246 orri ditu eta Dani Blancoren argazkiz jantzia dago, eta Maitane Gartziandiaren diseinuak apaindua. Landare bakoitzaren xehetasun anitzak erakusten dituzte argazkiek.
Hemen ikusentzun dezakegu Jakoba Errekondok liburua aurkeztuz emandako hitzaldia:
2021eko Ilargiaren eta landareen agenda ere kalean da
Laugarren urtez, ilargian oinarritutako baratzeko agenda argitaratu dute Jakoba Errekondok eta ARGIAk elkarrekin. Dagoeneko liburu-dendetan dago salgai 2021ekoa. Ilargiaren gorabeherak azaltzen dira bertan, eta ilargiaren arabera egun bakoitzean lurrean zer lan egin zehazten du: bai fruitu-arboletan, bai loreetan, bai basoan eta bai baratzean. Jakoba Errekondoren testuak eta Antton Olariagaren ilustrazioak ditu 2021eko agendak, eta aurtengoan diseinua ere berritu dio ARGIAk, baratzerik ez duten herritarrek ere beren laneko eta bizitzako hitzorduak idazteko leku gehiago izan dezaten. Oso erabilgarria, ilargiarekiko eta landareekiko jakinmina duen ororentzat.
25 urte loretan
Jakoba Errekondok 25 urte daramatza astero ARGIAn landareen kulturari buruz idazten. Duela bost urte landareei buruzko ezagutza dibulgatzeko elkarlana sendotu zuten Jakoba Errekondok eta ARGIAk: Bizi Baratzea liburua izan zen elkarrekin argitaratutako lehenengoa, eta arrakasta itzela izan zuen baratzearen entziklopedia modura irakur daitekeen horrek. Etxeko landareak liburua beste entziklopedia bat dela esan dezakegu, oraingoan etxeko, balkoiko eta kanpoko loreei buruzkoa.
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Izarrak, ortzi mugagabean, keinu egiten diguten argi izpi dardarti liluragarriak dira, osotasuna eta ezereza bateratuta, zer garen ulerrarazteko oroitarri zaizkigunak: izan sua, izan ondotik joan zaizkigun kuttunak, gizakiaren txikitasuna edo Anbotoko Mariren edertasuna;... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]
Lanbidean urteak daramatzagun basozainok, gogoan ditugu 1989. urtean Euskal Herria bortizki kolpatu zuten mendiko sute handiak. Urtarriletik luze zetorren lehorte latza udazkenean lehertu zen haize bortitzen bultzadaz. Dozenaka sutek beltzez jantzi zuten lurraldea, bereziki... [+]
Bizitza azkar pasatzen dela entzun eta esaten dugu maiz. Hala ere, gizakiok urte dezenteko bizi-itxaropena daukagu. Hainbat urte izan ohi ditugu ongi garatu, bizi eta ugaltzeko. Badira, ordea, hori guztia denbora askoz ere laburragoan egin behar duten gu bezalako ugaztunak:... [+]
Historikoki, artzaintzari eta abeltzaintzari guztiz lotuta egon den bailara da Erronkaribarrekoa, baina azken hamarkadetan nabarmen eraldatu da eta turismoa bihurtu da jarduera nagusia. “Ekonomia horrela aldatu da, eta hamarkadaz hamarkada ardi, behi eta behor kopurua... [+]
Ez naiz aparretsia, orraztearen aparretsia, ezta gutxiagorik ere. Baina ikasturte berriari ekiteko, zer den ez den, lakarra zuzen-zuzen ederki asko eginda nator zuregana.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
Gabezia, pobrezia eta erromestasuna orokortu ziren. Euskal Herri atlantikoa harropuzkeriaren ur gaineko bitsetan bizi zen. Itsasoz haraindiko merkataritzak, arrantzak eta estraperloak gure iparralde osoko jendartea aberasten zuten. XVI-XVIII mendeak ziren. Meatzariak,... [+]