Jaka Horien presioak Frantziako Gobernuak atzera egiterik ez du lortu oraingoz

  • Manifestarien “kexak” entzun dituztela adierazi dute Frantziako Gobernutik, baina datorren 2019ko urtarrilaren 1ean erregaien zergak igotzeko jarrerari “tinko” eusten diote.


2018ko azaroaren 20an - 12:05
Jaka Horiak errepideak moztuz protestak aurrera eramaten.

Jaka Horien mugimenduak erregaien garestitzearen aurkako mobilizazioekin jarraitu dute gaur goizean. Larunbatean hasi eta Frantziako hainbat hirigunetan ere jarraipena izan duten protestek etenik ez duten arren, Frantziako Gobernuak ez du atzera egiteko inongo asmorik erakutsi momentuz.

Frantziako presidente Emmanuel Macronen aginduz, protesten inguruan ezer ez aipatu eta hartutako erabakiak mantentzeko jokabidea hartu dute gobernukideek. Manifestarien nekea, antolaketa eskasa edota kontraesanak medio, mugimenduak indarra galtzeko itxaropena dute.

2019. urterako, gasolinaren gaineko zerga 2,9 zentimo igo nahi du Frantziako Gobernuak eta gasolioarena aldiz, 6,5 zentimo. Bi zergak bateratzean bilduriko dirua trantsizio energetikoa finantzatzeko erabiliko dela, adierazi du Macron presidenteak.

Hala ere, manifestariek azaldu dute, zerga igoerak “herritarren eroste ahalmena murriztu eta zerbitzu publikoak kaltetzea” eragingo dituela.  Atzo, manifestariek Bidarte, Mugerre eta Baiona inguruko errepide ugari oztopatu zituzten, eta ondorioz, Lapurdi hiriburuko trafikoan arazo handiak eragin zituzten.

Jaka Horiek erregaien zergak ez igotzeko aldarrikapenei segida ematen dihardute gaur ere.


Kanal honetatik interesatuko zaizu: Jaka Horien mugimendua
Aldo Rubert. Hitzak eta ekintzak
"Klase popularrak ez daude desmobilizaziora kondenatuta"

Frantziako Jaka Horien mugimenduari buruzko tesia egiten ari da Aldo Rubert soziologoa: klase popularren politizazio heterogeneoa ulertzea interesatzen zaio, herritarrek politikarekiko daukaten harremana ezin baita murriztu hauteskunde-garaian gertatzen den –edo gertatzen... [+]


2021-11-17 | ARGIA
Jaka horien ekintza batek auto pilaketak eragin ditu AP-8 errepidean

Hiru urte dira jaka horiek lehen protestak egin zituztela. Urtemugarekin loturan ekintza egin du hogei pertsona inguruko taldeak Biriatuko pasabidean, auto ilarak sortuz.


Éric Vuillard
"Beti hartu behar da serio bere ideiengatik hiltzen den norbait"

Herria eliteen aurka. Edo beharbada errealitate konplexuagoa, historiaren barrunbeetan sartzen zarenean. Horrela islatzen dute Éric Vuillarden liburuek. 2017an Frantziako letren saririk handiena, Goncourt saria jaso zuen L’Ordre du jour liburuarengatik.


2020-06-16 | Mikel Eizagirre
Parisko poliziaburuaren aurkako barne-kritikak zabaldu dira

CRS eta jendarmeen barne-oharretan kritikatua izan da Didier Lallement buruzagiaren gestioa. Bere praktikak “legalki zalantzagarriak eta politikoki kaltegarriak” direla diote.


Eguneraketa berriak daude