Jaizkibel konpainiak lehenbiziko entsegu jendetsua egin du igandeko Alardea prestatzeko
Hondarribiko Alardean emakumeek gizonen pare desfilatu dezaketen konpainia bakarrak lehenbiziko entsegua egin du astelehen honetan. Parte hartzaile askorekin ibili dira herriko kaleetan barrena eta ez da istilurik izan Alarde baztertzailearen aldekoekin gurutzatu direnean.
Irailaren 8an ospatuko den Hondarribiko Alardea prestatzeko lehenbiziko entsegua egin du Jaizkibel konpainia parekideak. Ikusmina zegoen, iazko Alardean herriko kale nagusian jasan zuten jazarpenaren ondoren aurten animoak nola egongo ziren. Eta entsegua hasi baino lehen, askok nabarmendu dute parte hartzaile kopuru handia.
Entsegurako formatu ondoren, Oihana Etxebarrieta konpainiako kapitainak hitza hartu du: “Badakigu garaipena gurea dela, baina egiteko asko daukagu oraindik”, adierazi die Jaizkibeleko kideei.
Konpainia geroz eta handiagoa bihurtzen ari dela ikusirik, eta iaz txistu eta irain artean partaide askok bizi izan zituzten estuasunak kontuan hartuta, aurten ohiko agintedun postuez gain, arduradunen figura ere izango dela esplikatu du kapitainak. “Elkar babesteko eta elkar laguntzeko” zeregina izango dute arduradunek, Alardeak irauten duen bitartean partaide guztiek festa lasaitasunez egin ahal izateko. “Elkar lagunduz eta elkar babestuz geroz eta konpainia handiagoa egingo dugu”, esan du Etxebarrietak.
Herritar batzuk bizkarra emanda
Entseguaren lehen zatia Alde Zaharrean egin ondoren, San Pedro kalean sartu da Jaizkibel. Entsegu-egunetan Alarde baztertzailearen aldeko pertsona gehienak kale horretan egoten dira, emakumeek kantinera gisa bakarrik parte har dezaketen desfileak ikusten.
Jaizkibel konpainia handik pasa denean, herritar batzuek bizkarra eman diote, beste batzuek txalo egiten zuten bitartean. Nolanahi ere, ez da istilurik izan eta konpainia parekideak espero bezala bukatu du entsegua.
Beste bi entsegu egingo ditu Jaizkibelek irailaren 8aren aurretik: astearte arrats honetan lehenbizikoa eta ostegunean bigarrena.
Inkestatuen %45,6k alarde parekide bakarra nahiago du herriarentzat eta %65ak baino gehiagok alardearen gatazka konpontzeko herritarrek gai horren inguruko hitzaldi eta tailerretan parte hartu behar dutela adierazi dute.
Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta... [+]
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute... [+]
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.