Jaizkibel konpainiak alardearen formatu tradizionalean hartu nahi du parte

  • Emakumeak onartzen dituen konpainiak desfile nagusiaren barruan egon nahi du 2022tik aurrera. Hondarribiko alardearen auziari konponbidea bilatzeko pausoa dela adierazi du elkarteak.


2021eko uztailaren 19an - 06:29
Azken eguneraketa: 08:32
Jaizkibel konpainia 2019ko alardean. Argazkia: Eitb

Hondarribiko alardeak orain duen formatuan parte hartzeko prest dagoela adierazi du Jaizkibel konpainia parekideak. 2022tik aurrera, alardeko 22. konpainia izateko eskaria egin du Ixabel Alkain kapitain ohiak uztailaren 16an udaletxearen parean egindako agerraldian. 

“Alarde bakar, parekide eta publikoaren” alde badaude ere, elkarrizketari bidea emateko pausotzat ikusten dute erabakia. Agerraldian esan dutenez, auziari “konponbidea” bilatzeko elkarrizketak zailak izan dira orain arte; ostiralean, akordio batera heltzeko, Hondarribiko Udalari “irtenbide adostu bat babes dezan” eskatu diote. Izan ere, erakundeen eta alderdi politikoen babesa bilatzea ezinbestekoa dela gogoratu du Jaizkibelek, Emakunde-k egindako ikerketa bat gogora ekarriz.

Guztientzako jaiak

Aurtengo desfilea bertan behera gelditu da osasun egoeragatik. Baina, 2022ko irailaren 8ra arte, hainbat ekintza antolatuko dira festa nagusiaren ordez. Jaizkibelek guztietan parte hartuko duela adierazi du, eta elkarrizketarako baliatuko duela datorren urteko alardera arte gelditzen den denbora. Bitartean, jaiak batera ospatzeko deia egin dute elkartetik: “festek hondarribiarron batasuna sendotzeko balio behar dutelako, ez zatiketarako”.


Kanal honetatik interesatuko zaizu: Hondarribiko alardea
Jaizkibelek elkarrizketa mahai bat bideratzeko eskatu dio Hondarribiko alkateari

Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]


Jaizkibeli ere harrera egin dio lehen aldiz Hondarribiko alkateak

Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.


“Nor dira haiek, guztiona den ondarearen inguruan herri osoaren izenean hitz egiteko?”

Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]


Hondarribiko hurrengo alkatearentzako gutuna plazaratu du Guztion Alardeak

Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.


Guztion Alardeak egindako proposamenekiko desadostasuna agertu du Alarde Fundazioak

Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.


Eguneraketa berriak daude