"Izugarri handitu dira abokatu eta mediku gastuak, eta ezin ditugu senideen esku utzi"

  • "Kinkea" egitasmoaren bigarren produktua jarri du salgai Etxerat elkarteak, presoen asistentzia juridikoa eta osasun asistentzia bermatzeko. Ostegunean aurkeztuko dute, 19:00etan Hernaniko Biteri kultur etxean.

Artikulu hau CC BY-SA 3.0 lizentziari esker ekarri dugu.

2018ko apirilaren 17an - 08:47
Nati Telleria eta Urtzi Errazkin, kartelarekin eta bigarren litografiarekin (Arg: Urumeako Kronika)

Urtea hastearekin batera jarri zuen martxan Etxerat elkarte­ak Kinkea izeneko egitasmoa; produktu promozio bat, pre­­soen asistentzia juri­dikoa eta osa­­sun asistentzia ber­ma­tze­ko dirua biltzeko.

Zehazki, hiru hilean behin litografia banaren 20.000 ale jarriko dituzte salgai, eta da­go­­eneko eskuratu daiteke bi­ga­rrena, Ja­vier Etayo Tasio artis­tak egina. 25 eu­roan dago sal­gai, Etxeraten webgunean eta elkar­teak Her­nanin duen egoi­tzan; eta asmoa da, herri­ko taberna eta komertzioetan ere jartzea.

Litografia erosten dutenei, gainera, zenbaki bat emango zaie, ekainaren 21ean egingo den zozketan parte hartzeko. 139 sari izango dira guztira: 20.000 euroko sari nagusia, 5.000 euroko hiru sari, 1.000 euroko 15, 500 euroko 20, eta 100 euroko 100 sari.

"Senideok asumitu ezin dugun gastu bat da hori"

Bere sorreratik zeukan aurre­ikusita Etxeratek, asistentzia ju­ridikoa eta osasun asis­ten­tzia bermatzea presoei; baina arrazoi ekonomikoengatik, ezin izan dute egin. Orain, apustu haundia egin eta hori ber­ma­tzea erabaki du Etxeratek, egungo baldintzetan, premiak areagotu egin direlako, eta gastuak "izugarri" haunditu: "dispertsioak asko areagotu du gastua, ez da gauza bera Basa­u­rin asistitzea edo Sevillan; eta gogoratu behar da, 23 pre­so daudela larri gaixo, eta 90etik gora osasun arazoekin", dio Urtzi Errazkinek, Etxerateko bo­ze­ra­maile eta Ugaitz Errazkin presoaren anaiak; "eta ezin ge­nuen hori seni­de­en esku utzi".

"Senideok asumitu ezin du­gun gastu bat da", gaineratu du Nati Telleriak, Ugaitz Erraz­kinen amak: "hori ken­duta ere, hilean 1.200 euro gas­ta­tzen di­tugu batazbeste, bidaietan; eta horri gehitu behar zaio, pre­soek behar dutena, bal­din­tza erdi duinetan bizitzeko. "Guri, zorionez, ez zaigu tokatu osa­sun asistentzia behar izatea; baina juridikoa bai. Hiru hile­an behin epailearen aurrera azal­du behar zuen, eta abokatua Pari­se­ra joan behar izatea dirutza da; batazbeste, hilean 200 euro. Horregatik, lasaita­sun haundia ematen digu Etxe­ra­ten laguntzak. Eta oso ga­rran­tzitsua da, familiaren eta la­gu­nen laguntza ere, be­raiek gabe ezingo genuke", dio Telleriak.

"Oso garrantzitsua da, abo­katuak konfiantzazkoak izatea, judizialki; eta zeresanik ez medikuak. Bestela, kasurik ere ez diete egiten askotan. Berez, espetxeak bermatu behar luke osasun asistentzia duina, bai­na zoritxarrez ez da horrela", dio Urtzi Errazkinek.

Egitasmoa herritarrei aurkezteko, ostegunean zita

Kinkea egitasmoa aurkezteko, eta herritarren zalantzak eta galderak argitzeko, etzi jarri dute zita, 19:00etan Biterin. Bertan izango dira Urtzi Erraz­kin bera, Aiert Larrarte abo­ka­tua, eta Fernando Arburua psi­ko­logoa, Jeiki Hadi mediku taldekoa. Aurkezpen horretara animatu dituzte herritarrak, irekia izango baita.

"Azaleratu nahi dugu, pre­mia badagoela, asistentzia hori bermatzeko, %100ean. Eta be­ra­ien laguntza behar dugula; beti erakutsi duten elkar­ta­su­na­ri, beste pausotxo bat eska­tu nahi diogu".

Albiste hau Urumeako Kronikak argitaratu du eta ARGIAra ekarri dugu CC by-sa lizentzia baliatuta.


Irakurrienak
Matomo erabiliz
Azoka
Kanal honetatik interesatuko zaizu: Euskal preso politikoak
Sortuko sei kide epaituko dituzte euskal presoei "ongi etorri" ekitaldiak antolatzeagatik

Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]


26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


Eguneraketa berriak daude