Asteazkenean Joseba Zulaika, Nevadako Unibertsitateko Basque Studieseko zuzendaria eta Laura Mintegi EHUko irakasleak jakitera eman dituzte atxikimendu berrien zerrenda. Idatzian Otegik gatazkaren konponbidearen alde egindako pausuak nabarmendu dituzte.Sortuko idazkari nagusiak  gatazka armatua elkarrizketara eramateko bideari ekin ziola esan dute sinatzaileek. Honez gain Euskal Herriko gatazkaren ondorioz preso dauden ia 500 presoen “dispertsioa eta inkomunikazioa” salatu dute, eta beraien Euskal Herriratzea eskatu.

Joan den martxoan iragarri zen Bruselan “Free Otegi, Free Them all” Bateragune Auziaren barnean kondenatuta daudenen aldeko askatasun kanpaina abiatu zutela.  Pepe Mujika Uruguaieko presidente ohia, Ken Livingstone Londresko alkate ohia, Laila Zana Kurdistaneko diputatua eta Desmond Tutu Hegoafrikako Nobel  Saria izan ziren dokumentua sinatu zuten pertsona garrantzitsuenetako batzuk.  

“Free Otegi, Free Them all” kanpainak atxikimendu ugari jaso bai Euskal Herrian bai nazioartean.