Izan gaitezen sastraka
Elur izoztuaren tartetik berpiztu den errekasto txiki eta nahasian metatu diren adarrak gu igarotzerakoan astintzen dira. Bizirik gabeko material pila horren dardarak fenomenoa ikustera hurbildu den ibiltaria harritzen du. Kolore grisaxka eta ilunen nahaspilaren arnasa ernea arretaz aztertzen du. Bi puntu distiratsu nabarmentzen dira, eta haien begirada izu eta zabalak arrotza begiztatzen du. Ilaje adartua zabaldu egiten da gorputza atzeraka botatzen duen bitartean, aurreko hankak lurrean finkaturik dituela. Berehala zutitzen da, buelta emanez, eta, tris batean, mendian gora irteten da ausart, bere buztan oparoa sastrakan desitxuratzen den arte.
Sastraka, Mendialdean hainbeste aipatzen den hitz maltzurra. Landare-masa, oso preziatua ez dena, kaoserako joera geldiezina duelako. Horrekin ezin da negoziorik egin, luberritzeari uko egiten diolako eta lerro zuzenaren nahitaezko estetika otzana eta kategorikoa gordetzen ez duelako. Sastraka horrek ezkutatzen dio kimua kanpoko ankertasunari, ihesi doan emakumea segika ari zaionari, animalia bere harrapariari, azeri emea arrotzari. Sastraka horiek abegi dira bata bestearen gain jartzen diren burujabetza borondateentzat, beren ahalegin eraldatzailean markatutako bideetatik ibili ahal izateko.
Ez dago martxoaren 8rik ospatzeko. Egunero borrokatu beharra dugu bizitza eusten duten oinarriak suntsitzetik onura jasotzen duten korporazio eta administrazioei aurre eginez
Mendialdea zeharkatzen duten bideak, Euskal Herriko espazio eta herri ezberdinetatik adarkatuz doazenak eta Aramaion geldialdia egiten dutenak. Agroekofeminismoa jaiotzen ikusteko irrikaz datoz, hirien botere zentralizatzaileari aurre egiten dioten herriak itotzen dituzten eta mendi eta landa lurrak espoliatzen dituzten proiektu ekozidei erantzuna emateko beharra ikusita. Eta ahotsa altxatzeko eta geratzen den bizitzeko aukera apurra defendatzeko prest dauden emakumez gainezka datoz. Sastrakatik irten eta porlanezko kaleetan barrena ibiltzeko prest, naturaren zaintzan borrokan dabiltzan beste emakume borrokalariak arrazoiz ernaltzeko. Jatorrira buelta, elikatzen gaituen lurrari lotzea, amalurrera itzultzea, lur hori denez lurralde gisa nortasuna ematen diguna.
Ez dago martxoaren 8rik ospatzeko. Egunero borrokatu beharra dugu bizitza eusten duten oinarriak suntsitzetik onura jasotzen duten korporazio eta administrazioei aurre eginez. Eta borroka hori ez da herrietan bizi garen emakumeena bakarrik. Nortasunaren aldeko borroka, ezinbestean, lurraldearen, kolektibitatearen eta ondasun komunalen aldeko borrokan ere bada. Zaintza lanen iraultza naturaren babes irmoari lotua dago nahitaez. Hego globaleko gure ahizpek beti izan dute argi; identitate indibidualen aldeko borroka esklusiboak ez garamatza helburua lortzera; uneotan, indarrak metatzea da beharra.
Indibidualtasunak geldiarazten gaitu; arerio berberei aurre egiten ari diren pertsonengandik deskonektatzen gaitu eta sustraitik aldentzen gaitu; basorik gabeko zuhaitz bihurtzen gaitu, bere pisuagatik eroriko dena. Horrela nahi gaituzte, ahul eta gure arteko borrokan, eliteen amets berberak jorratuz. Garaia da gure ametsak eraikitzeko, norberarena defendatzeko, bakoitzaren izatearen aniztasun ikaragarria lagun dugularik. Horregatik, maiatzaren 20a martxoaren 8a ere bada. Manifestazio nazionala Gasteizen. Herrietako emakumeak, hiriko emakumeak, anitzak denak, izan gaitezen sastraka.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]