Israeli eta Tel Aviveko Maccabiri boikot egiteko eskubidea aldarrikatu dute
Tel Aviveko Maccabi saskibaloi taldea Baskoniaren aurka Gasteizen lehiatu baino egun bat lehenago, dozenaka lagun bildu dira Arabako hiriburuan Israelgo kirol ordezkari handienarentzako boikota eskatzeko. BDZ taldearen, Gasteizko komunitate islamiar-arabiarraren, Indar Baskoniaren eta Iraultza 1921-en elkarlanari esker eraman dute aurrera mobilizazioa.
Ostegunean izango da partida. Urtarrilaren 31n Tel Aviveko Maccabi saskibaloi taldea Gasteizen egongo da Baskoniaren aurka aritzeko. Euroleague liga itxia bilakatu zen unetik, ohikoa bilakatu den partidua dugu hau.
Gauzak horrela, Israeli Boikot aldarrikatzeko eta Palestinari elkartasuna adierazteko ekimenak ere ohikoak bilakatu dira gurean. Asteazkenean, partidua ospatu baino egun bat lehenago, elkarretaratzea egin dute Andra Maria Zuriaren plazan. BDZ taldeaz gain, Gasteizko komunitate islamiar-arabiarra, Indar Baskonia eta Iraultza 1921 ere batu dira deialdira.
Aurreratu dutenez, partida egunean, ostegunean, palestinar banderak eta “Palestina askatu!” oihuak eramango dituzte zelaira. Horretarako, hitzordu bat jarri dute: 19:45ean pabilioi kanpoan.
Elkarretaratzean, CAF-eko langileei elkartasuna adierazteko aukera izan dute. Izan ere, Jerusalemgo tranbiaren lehia uzteko eskatu diote langileek enpresari. “Ez dugu nazioarteko legezkotasunaren aurka doazen lanetan parte hartu behar”, ziurtatu du langile batzordeak. BDSren boikoterako deiari jarraituz egin dute eskaera langileen ordezkariek.
Israelgo Estatuaren kirol ordezkaritzaren presentziak, aurrekoetan bezala, polemika piztu du hirian. Izan ere, ezagunak dira kluba Israelgo apartheid erregimenaren normalizazio kanpainarekin lotzen duten zantzuak. 2009an, adibidez, Tel Aviveko Maccabik armadaren aldeko propaganda kanpainia batean hartu zuen parte, Berun urtua izeneko operazio militarraren testuinguruan. Operazio hark 1.400 hildako utzi zituen Gazan.
Boikota, eskubide zilegia
Ostegunean auskalo zer gertatuko den saskibaloi zelaiaren barruan, baina aurrekariak ez dira onak. BDZ mugimenduko kideei isunak jarri dizkiete, kasu konkretu batzuetan kideak auzipetuz. “Batzuetan jipoitu ere egin gaituzte Maccabi eta Israel salatzeagatik”. Palestinako bandera irudikatzeko puxikak sartzea ere debekatu diete, ateetan zaleei banatzeko esku-orri informatiboak kendu dizkiete… “Kantxara jauzi egin dugun bi alditan ere salaketak eta isunak jasan ditugu, baina, ebazpenaren arabera, delitua ez da izan jauzi egitea, ikur palestinarrarekin jauzi egitea baizik”.
Gainera, Iraultza 1921-ek, Indar Baskoniak edo Komunitate islamiar-arabiarrak poliziaren partetik jasandakoak izan dituzte gogoan. Indar Baskoniako kideek Palestinako edo Kurdistaneko ikurrak sartzea eragotzi diete eta, kasu batean, Indar Baskoniako kide bati kamiseta kenduarazi zioten; Iraultza 1921 (literalki) dioen pankarta ateratzeagatik 30.000 euroko isuna jarri diete ikasturte honetan; elkarretaratzeetan arabieraz kantatzen duen jendeari poliziak behin baino gehiagotan “ohartarazi” die arabieraz ez kantatzeko…
Urtarrilaren 25ean akordio proposamen bat aurkeztu zuen Udal Batzarrean EH Bildu Gasteiz taldeak Indar Baskonia, Iraultza 1921, Gasteizko BDZ eta Gasteizko Komunitate islamiar-arabiarraren izenean. Bertan, BDZ taldeko kide batek hartu zuen hitza, akordio proposamena azalduz eta alderdi politikoen babesa eskatuz. Akordio proposamena ez zen aurrera atera, PP-k, PSE-k eta EAJ-k kontra bozkatu zutelako.
Manifestazioko irudi gehiago (Halabedi Irratia):
Albiste hau Halabedi Irratiak argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Gasteizko Baskonia eta Israelgo Tel Aviveko Maccabi saskibaloi taldeen arteko partida jokatu dute ostegunean. Maccabi "Israelgo aparheidak kirolean duen enbaxadorerik onena dela" salatzeko, hainbat solidariok Palestinako banderak zabaldu, palestinarren aldeko ohiuak egin eta "Palestina Askatu" zioen mosaiko handia osatu dute.
“Palestinarrek askatasuna eta justizia izan arte, ez litzateke Israelera nazioarteko negoziorik eraman behar” diote manifestu batean 140 artistek. Aurtengo edizioa israeldar batek irabazi zuenez, oso posible da datorren urtekoa bertan izatea.
Sei hildako eta 20 zauritu zenbatu dituzte Gazan, Isrlaelek 80 misil inguru jaurti ondoren. Azpiegitura eta eraikuntza handiak izan dira helburu, tartean unibertsitate bat eta Al-Aqsa telebista-kate palestinarra. Bi gauez jarraian bonbardatu dute, Ma'an informazio agentziak dioenez. Hala ere, azken orduetan goruntz doa hildakoen kopurua.
Martxoan Palestinako 130 futbol taldek egin zioten eskakizuna Adidasi, Israelgo sei taldek lurralde okupatuetan dutelako euren jatorria eta ilegaltzat hartzen den jokaera da nazioarteko zuzenbidearen arabera.
Sadikoa, mendekuzalea, hiltzailea… Nahi beste adjektibo atxiki dakioke palestinarrak azpiratzeko Israelek urtez urte perfekzionatu duen estatu-politikari. Harrigarria ere aipa genezake. Areago joatea ezinezkoa dirudienean, Israelek katea gehiago estutzeko duen gaitasunagatik. Sentsazio hori barreiatu da pasa den astean.
Larunbatean zen jokatzeko partida baina AFAk asteartean argitaratutako idatzian segurtasun arazoengatik ez zirela joango iragarri zuen.
Israelen aurkako "Boikota. Desinbertsioa. Zigorra" kanpainarekin bat eginez, Itsasuko Intermarché supermerkatutik jatorri israeldarra duten produktuak atera dituzte ostegun goizean eginiko ekintza batean Aitzinako gazteek.
Bizkaiko Foru Aldundiak sortzen ari den SOSA enpresa israeldarrarekin hitzarmena sinatu du, eta atzera botatzeko eskatu diote hainbat erakunde eta kolektibok.
Bruselan Europako Batzordearen aurreko plaza zapataz bete dute, atzerri ministroen bileraren aurretik. Pare bakoitzak Israelgo militarrek hildako palestinarrak sinbolizatzen ditu. Avaaz GKE-ren ekimena izan da eta sarean sinadurak biltzen ari dira.
Israelek 62 palestinar hil dituela salatu dute, eta Nakba eguna gogoratu dute.
.jpg)
