Israelek erasoak gogortu ditu goizaldean
Bart gauean eginiko erasoetan beste hiru palestinar hil dira eta Israelek Gaza erasotzen jarraitzen du. Goizaldean, 45 minutuan 85 misil jaurti dituzte Russia Todayk dioenez. Israelek beste 16.000 erreserbista deitu ditu Gazako operazioa aurrera ateratzeko.
Azaroaren 14an Israelek Hamaseko buruzagi militarretako bat hil zuen. Honi erantzuna eman nahian palestinarren erasoak hasi ziren.
Israelek ofentsibak gogortu egin ditu goizaldean, Palestinako 150 lekuri eraso egin die, gehienak Gazako hirian. Bonbardaketa horietan, Gazako Barne ministerioari eraso egin diote Maan albiste agentziak jakinarazi duenez. Barne ministerioren aurka 40 bat bonba jaurti dituztela ere esan dute.
Palestinako Yihadak berriz Israelera hainbat misil jaurti ditu goizaldean. Misilak Tel Aviv hiriburutik gertu jo dute. 1991tik lehen aldiz, atzo aire bonbardaketa iragartzen duten sirenak martxan entzun ziren. Dagoeneko, 22 hildako tartean lau ume, eta ehunka zauritu daudela jakinarazi du RT hedabideak.
Egiptoko Lehen Ministro Hisham Kandil gaur goizaldean iritsi da Gazako hiriburura. “Gazan ikusten ari naizena hondamendia da eta ezin dut isilik egon. Israelen erasoaldiak amaitu egin behar du” adierazi du eta Kairok su etena lortzeko ahaleginak egingo dituela.
Munduko hainbat estatutako buruzagiek Israel eta Palestinaren arteko auzi honetan beraien iritzia eman dute. Australiako lehen ministro Julia Gillardek zera esan du “Israelek erantzutea normala da eta guk babestu egiten dugu”. Bestalde, Venezuelako Presidente Hugo Chavez-ek Israelek Gazaren aurkako oldarraldia gaitzetsi du.
Chávez bizirik zegoenean bere figurarekiko atxikimendua sekulakoa zen herri venezuelarraren sektore oso zabal batean. Chavismo hegemonikoa zen, ikuspegi soziopolitiko batetik zein emozionaletik ere. Venezuelako sektore apalen artean, baita ekonomikoki hobeto zeuden beste... [+]
Chavismoa eta oposizioa protesta egitera irten dira Venezuelako kaleetara eta hiru hildako eta hamarnaka zauritu eta atxilotu izan dira. Oposizioak Nicolas Maduro presidenteak kargua uztea eskatu du eta Gobernuaren aldekoek, aldiz, hura defendatu eta estatu kolpe saiakera salatu... [+]
Venezuelako udal hauteskundeetan Nicolas Maduroren PSUV alderdiak jaso du boto gehien, bozken %49,2. Henrique Ceprilesen MUD koalizioa ez da urruti ibili emaitzetan 700.000 boto gutxiago (%42,7) baina Venezuelako hiri garrantzitsuenetako alkatetzak eskuratu baititu.
Nicolás Maduro atera da garaile igandean Venezuelan egindako hauteskundeetan. Oso boto gutxigatik irabazi dio Henrique Capriles oposizioko hautagaiari: %50,6ak eman dio aldeko botoa, Caprilesen %49,1aren ondoan. Caprilesek esan du emaitzak ez dituela onartuko boto... [+]
“Chavez presidentea” esate hutsak erantzunak eragiten ditu interneteko sare sozialetan: Presidente? Diktadore esan nahiko duzu”, dio internauta batek. Edo: “Hitler ere hautestontzietan aukeratu zuten
Venezuelako jarduneko presidente Nicolas Madurok azaldu du Chavez pozoitu izanaren susmoa dutela. Horregatik, “egia argitzeko bidean”, aukera hori ikertuko dute. Gobernuak azaldu duenez, bertako ikerlariak ez ezik, atzerriko zientzialariak ere gonbidatuko dituzte.
Hugo Chavez Venezuelako presidente ohiaren hileta gaur egingo da Caracasen. Azken egunotan bere gorpua bisitatzera joan den jendetzaren ostean, milaka lagun biltzea espero da gaur. Atzo, akademia militarraren ateetan, zazpi kilometroko ilara osatzera iritsi ziren hari bisita... [+]
Hugo Chavez hil dela iragarri du Venezuelako Gobernuak astearte arratsaldean. 58 urte zituen eta 2011ko ekainean detektatu zioten minbizia. Ordutik lau aldiz operatu dute Habanan. Nicolás Maduro izendatu zuen bere ondorengo eta bera izango da behin behinean presidente... [+]
Abenduaren 12ean operatu zuten Hugo Chavez Venezuelako presidentea. Orduz geroztik hainbat zurrumurru zabaldu dira haren osasunaren inguruan, “egoera larrian” zegoela esanez. Horiei kasurik ez egiteko eskatu du Chavezek berak eta Nicolas Maduro Venezuelako... [+]