Gazara bihar abiatuko dela iragarri du Askatasunaren Ontzidiak, Israel, Alemania, Erresuma Batua eta AEBen “presioen” gainetik
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an, asteazkena, irteteko asmoa iragarri du astelehen gauean.
Gaueko 21:00etan zabaldu dute oharra Askatasunaren Ontzidiaren Koalizioak nazioarteko ekimenak eta horren parte den Rumbo a Gaza (Gazara Bidean) Espainiako Estatu mailako antolakundeak. Lehenik eta behin, “aurreikusitako planarekin” aurrera jarraitu eta apirilaren 24an itsasoratzeko asmoa jakinarazi dute. Jarraian, itsasoratzea ekiditeko “presio politikoak” salatu dituzte.
“Hainbat herrialdek bisitatu dute Turkia azken egunetan, norabide horretan presionatzeko”, ziurtatu dute. Oharrean ez dira herrialde horiek zehazten, baina Istanbulen diren euskal aktibistek honako mezua bidali diote ARGIAri: “Alemania, Britainia Handia, AEB eta Israelgo gobernuak Turkiako gobernua presionatzen ari dira ontzidia ez ateratzeko. Ahalik eta lasterren ateratzeko asmoa dugu, baina antolakuntzak informazioa pasatzeko eskatu digu, eta protestak egin badaitezke, hobe”.
Debekurik onartzeko asmorik ez
Itsasoratzeko debekurik ez duela “onartuko” iragarri du Askatasunaren Ontzidiak oharrean. Argudiatu du ekimena “konprometituta” dagoela Palestinako herriarekin, “Nazioarteko Zuzenbidearen defentsarekin”, eta berriki genozidioa ekiditeko Israeli laguntza humanitarioa sartzen uztea exijitu dion Nazioarteko Justizia Auzitegiaren ebazpenarekin.
Egoeraren aurrean, hiru aldarrikapen egin ditu Palestinarekiko elkartasun ekimenak. Batetik, “Gazara sartzeko askatasuna” exijitu du, salatuta Israelek ez duela eskubiderik “jatorrizko aduanaren [kasu honetan, Turkiaren] ziurtagiria duen laguntza kontrolatzeko”. Zentzu horretan, ekimenak hasieratik jakinarazi du ez duela Israelekin “koordinatzeko edo lankidetzan aritzeko” inongo asmorik. Bestetik, “koherentzia” eskatu diote Europar Batasunari, eta Israel burutzen ari den “genozidioaren” eta nazioarteko legediaren urraketen “konplize izateari utzi” diezaiola.
Israelen “abordatze biolento” baten arriskua
Azkenik, “nazioarteko uretan nabigatzeko askatasuna” exijitu dute, “Israelek iragarri duen abordatze biolentoaren aurrean”. Hori ekiditeko “babesa” eskatu dio Rumbo a Gazak Espainiako Gobernuari. Izan ere, Istanbulen dauden ontzidiko euskal aktibistek ARGIAri bidalitako kronikan jakinarazi dutenez: “Israelgo 12 telebista kateak zabaldu du, Israelgo Armadako iturriak aipatuz, uneotan Shayetet 13 izeneko unitatea espresuki trebatzen ari direla Askatasunaren Ontzidia abordatzeko. Unitate horrek berak hil zituen 400 pertsona Gazako Al-Shifa ospitaleko sarraskian, Hibai Arbide kazetariak sare sozialetan ohartarazi duenez”.
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Ekainaren 13an hasita 50 kilometroko martxa egingo dute hiru egunez Egiptoko Sinaiko basamortuan barrena Rafahko pasabidera arte, Gazako muga irekitzea eta genozidioa gelditzea exijitzeko. Momentuz munduko 32 estatutako 1.000 pertsona inguruk eman dute izena, horien artean... [+]
EBko diplomaziaburuari gutuna bidali diote lau talde parlamentarioko hainbat legebiltzarkidek, tartean EH Bildukoak. Oraindik nazioarteko uretan segitzen du Askasunaren Ontzidiak.
Nazioarteko ekimenak igandean argitaratutako prentsa ohar batean jakitera eman duenez, Maltako Gobernuak bonbardatutako itsasontzia konpontzeko asmoa erakutsi du. Askatasunaren Ontzidiak eskatu die Maltako agintariei itsasontzia herrialdeko uretan sar dadila. Israelen erasoak... [+]
Deshumanizazioa barru-barruraino sartu da Mendebaldeko botereetan, eta axolagabekeriaz begiratzen diote Gaza pairatzen ari den holokaustoari; Gazan, bonbek hiltzen ez bazaituzte, goseak hilko zaitu.
Gure itsasontzia bonbardatu duten honetan inpotentzia erabatekoa da, gu ondo... [+]
Ostegunetik ostiralerako gauean dronekin egin diote eraso Gazako blokeoa apurtu eta genozidioa salatu nahi duen nazioarteko ekimenaren itsasontziari, Maltatik hamahiru miliara, nazioarteko uretan. Aktibisten artean Mikel Zuluaga Mikelon euskal herritarra dago. “Hemen hau... [+]
Hiru militante euskaldun ari dira parte hartzen Askatasunaren Ontzidian, Turkiatik Gazara laguntza humanitarioko 5.500 tona material eraman nahi dituen nazioarteko ekimena: Pili Revilla, Agus Gorbea eta Mikel Zuloaga ‘Mikelon’. Apirilaren 18an hartu dute Bilbotik... [+]
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.
Istanbul. Apirilak 25, osteguna.
Zazpigarren eguna Istanbulen. Arazoak bata bestearen atzetik jaso ditugu egun hauetan, eta esan behar dugu ostiralean ezingo dela abiatu Askatasunaren Ontzidia. Irtengo gara, baina ez orain. Presio izugarriak jasaten ari gara. AEBetatik,... [+]
Astelehen gauean iragarri zuen antolakuntzak ontzidia apirilaren 24an, asteazkenez, itsasoratuko zela, baina gutxienez ostiralera arte atzeratu dute irteera.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]