Aurre-matrikulazioa, argitaratutako inkesta soziolinguistiko berria eta pandemiak sortutako egoera dela eta, euskarazko egungo plazen kopuruari eustea beharrezkoa dela uste dute.
Iruñeko Udalak egindako planaren ondorioz, datozen hiru urteetan nabarmen murriztuko dira haur eskoletako euskarazko plazak. HE Gurasoak talde politiko guztiekin bilerak eskatu du, bai Iruñeko Udalean eta Nafarroako Gobernuan, bai hezkuntza eta gizarte zerbitzuekin ere, aldaketa hori aldatzeko edo benetako eskaerari konponbide egokia emateko helburuarekin.
Haur eskoletako gurasoek euskarazko plazak hurrengo hiru urteetan %14raino murriztuko direla kritikatu dute. Horren ondorioz, “72 bularreko haurrek ezingo dute aurten sistema publikoan plazarik lortu”. Kolektiboaren esanetan, “murrizketa hori hizkuntza-eskubideen eta herritarren sentimenduen aurka doa. Udalak antolatutako inkestan bertan ere, galdetutako familiek hizkuntza-aukerak gehitzea eskatzen dute, eta %36k interesa dute seme-alabek euskara ikas dezaten”.
Talde politikoekin egindako bileretan, guraso elkarte honek bere kezkaren berri eman eta konponbideak bilatzeko eskatu du. “Iruñeko Udala 2020-2021 ikasturterako euskarazko plazen egungo eskaintza mantentzearen alde ez badago, Nafarroako Gobernuari plaza horiek ziurtatzeko eta kaltetutako familiei alternatibak eskaintzeko erantzukizuna dagokio”.
Horregatik guztiagatik, “dauden plazen kopuruari eusteko konponbideak bilatzea eskatzen dugu: Nafarroako Gobernuko haur-eskolen eskaintza aldatzea, erabiltzen ez diren ikastetxeak gaitzea, haur-eskola pribatuetan plazak diruz laguntzea, kooperatibak sortzeko lokalak uztea…”.
“Ez ditugu erantzun anbiguoak onartzen, epeen zailtasunetara jotzea edo arazo teknikoetan oinarritzea. Pandemiaren ondorioz aldaketa teknikoak eta epe-aldaketak nola gertatu diren ikusi da. Beraz, orain, udalak eskatutako inkestako datuak kontuan hartuta, uste dugu posible dela plaza kopurua aldatzea, bertan adierazitako eskariari egokituz edo egungoari eutsiz, borondate politiko kontua da”. Hori dela eta, Nafarroako Gobernuari eta Iruñeko Udalari eskatzen diete “gure azalean jartzea eta premiazko irtenbideak bila ditzatela”.
Navarra Suma plazak murrizteko asmotan
Enrique Maya Iruñeko alkatearen asmoak, ordea, oso bestelakoak dira eta ostengun honetan jakinarazi duenez, datorren ikasturteari begira euskarazko eskaintza murrizteari ekingo dionez. Adierazi duenez, Joseba Asironen taldeak arrazoi politikoengatik euskarazko plazak %40ra igo zituen joan den legealdian eta berak orain %22ra eramango ditu, bere hitzetan auzitegiek agindu bezala eta eskaintzara egokitzeko".
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]