Iruñeko gaztetxeari eraso egin diote bere inaugurazioa baino egun batzuk lehenago
Harriak bota zituzten hainbat lehio apurtuz eta hainbat objektu erre zituzten. Gertakariak pasa den igande goizaldean eman ziren. Datorren asteburuan publikoki zabalduko ditu bere ateak gaztetxeak.
Pasa den igandeko goizaldean, Alde Zaharreko gaztetxeari eraso egin zioten. Harriak jaurti zituzten hainbat leiho apurtuz eta gainera gaztetxe kanpoko zeinbat objektu erre zituzten, gazte karroa horien artean.
"Gertakari hau ez da berria, izan ere, ireki zenetik era askotako erasoak jasan baititu", salatu dute gaztetxeko kideek. "Gertatutakoak, oraindik ere, ignorantzian jatorria duten ideologiek bizirik jarraitzen dutela azaleratzen du". Hala ere, eraso hauek "gure ideiak argitu eta pentsaera indartu besterik ez dute egiten", azpimarratu dute.
Datorren asteburuan gaztetxeak publikoki zabalduko ditu bere ateak. Ostiralean Euskal Herriko gaztetxeen historiaren inguruko hitzaldi bat eginen da, eta larunbatean goiz goizetik hasiko dira jarduerak: umeendako tailerrak, bermuta, herri bazkaria, musika, kalejira bat eta kontzertuak izanen dira gaztetxe berrian, eta eguna ongi bukatzeko, gaupasa.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.