Iruñeko Alde Zaharrean haur eskola euskaraz aldarrikatzeko kanpainari ekin diote

  • Kanpainan zehar jasotako sinadura eta atxikimenduak Parlamentura eramateko jende katea osatuko dute abenduaren 13an.


2016ko azaroaren 22an - 09:42
Iruñeko Alde Zaharrean haur eskola euskaraz aldarrikatu dute (Arg: Alde Zaharrean haur eskola euskaraz)

Iruñeko Alde Zaharrean haur eskola euskaraz aldarrikatu dute Iruñeko euskalgintzak, ELAk, LABek, Steilasek, Sasoia elkarteak eta hainbat bizilagunek. Horretarako agerraldia egin dute azaroaren 21ean Iruñeko San Frantzisko eskolako atarian.

Iruñeko euskalgintzako Garikoitz Torregrosak azaldu duenez, urteak daramatzate haur eskolak euskaraz nahi eta behar dituztela aldarrikatzen. Egindako lanari esker Iruñeko Udalak euskarazko eskaintza bi eskoletara zabaldu duela ere esan du, Donibanera eta Arrosadiara. Baina “oraindik ere injustiziak badirauela” adierazi du, “hizkuntza eskubideen urraketak badirauelako”.

Horren harira, Alde Zaharreko bizilaguna den Joseba Beramendik azaldu du Nafarroako Gobernuaren eskumenekoak diren bost haur eskoletako bakar batean ere ez dela euskarazko eskaintzarik egiten. Egoera hori “larria eta salagarria” dela adierazi du, eta alor horretan “UPNk eskaintzen zuen berdinarekin jarraitzen dutela” salatu du.

 “Alde Zaharrean haur eskola euskaraz” plataforma sortu zuten 2011n. Hainbat ekimen, agerraldi eta sinadura bilketa egin zituzten, baina UPNk “beste alde batera begiratu” zuela azaldu du Beramendik. 2016ko martxoan Parlamentuko Hezkuntza Batzordean landu zuten gaia, eta ekainean Arartekoarekin izan ziren, baina “aldaketarik ikusi ez dutenez”, mobilizazioei ekin dietela adierazi du.

Hainbat ekimen jarri dituzte martxan. Sinadura bilketari ekin zioten azaroaren 21ean, eta sinadurak jaso ahal izango dira ere azaroaren 24an San Frantzisko eskolan, 29an Mercaderesen, eta modu iraunkorrean Campion euskaltegian, Iruñezar euskaltegian eta Karrikiri euskal dendan. Horrez gain, atxikimenduak biltzeko eragileekin jarri dira harremanetan, eta internet bidez ere egin daiteke emanbidea.blogspot.com.es webgunean.

Kanpainan zehar jasotako sinadura eta atxikimenduak Parlamentura eramango dituzte. Horretarako, jende katea osatuko dute abenduaren 13an arratsaldeko 17:00etan, Nuestra Señora de Los Ángeles haur eskolatik Parlamentura.


Kanal honetatik interesatuko zaizu: Euskara Iruñean
Datorren ikasturtean ere Iruñeko haur eskola bakarrean egongo da murgiltze eredua

Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du  duela 35 urteko egoera berean daudela.

 

 

 


2022-05-09 | Leire Artola Arin
Salatu dute Iruñeko haur eskoletako euskarazko eskaria udalak dioena baino %15 handiagoa dela

Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]


2022-03-25 | ARGIA
Iruñeko Korrika Txikia espaloietatik egin beharko dute, Udalaren aginduz

Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.


2022-03-01 | ARGIA
Iruñeko Euskalgintza
"Euskarazko haur-eskolak auzo guztietara ez zabaltzea, aukera berdintasuna ez bermatzea da"

Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]


“Fardelkada” Iruñean haur eskoletan euskarazko murgiltze ereduaren alde

Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.


Eguneraketa berriak daude