Alderdi errepublikazale irlandarraren arabera, urgentzia handiagoa dauka irla bi estatutan banatuta egoteari uzteak Brexitaren ostean.
Datozen bost urteetan Irlandaren batasunari buruzko erreferenduma beharrezkoa dela dioen agiria publikatu du Sinn Feinek, 2017ko Erresuma Batuko hauteskundeei begira.
“Brexitaren inposizioak eta kontserbadoreen murrizketek erakusten dute zein bidegabea eta antidemokratikoa den banatuta egotea”, irakur daiteke agiri horretan, besteak beste.
Alderdiaren arabera, Europar Batasuna (EB) malgu agertu da kide ez diren estatuen integrazio moduei dagokienez, eta hori baliatu nahi du Sinn Feinek, momentuz iparraldeko sei konderriek estatus berezia izan dezaten. Horri esker EBko merkatu bakarra eskura izango lukete Brexita gorabehera, baita finantzazio bideak ere.
Errepublikarren eragotzi nahi dute Irlandaren partizioa sakontzea, irla bi zatitan banatuko lukeen EBko muga baten bidez.
Brexitaren erreferendumak Erresuma Batuan ez bezalako emaitza utzi zuen Ipar Irlandan: %56k bozkatu zuen EBn mantentzearen alde.
Sinn Feinek lehen aldiz irabazi ditu Ipar Irlandako udal hauteskundeak, eta 462 zinegotzietatik 144 eskuratu ditu, duela lau urte baino 39 gehiago. Alderdi errepublikarraren ustez, horrek balio beharko luke unionismoak blokeatzen duen Stormonteko Legebiltzarra berriz... [+]
Mende laurdena bete du Ipar Irlandako Ostiral Santuko Hitzarmenak, gatazka armatuen konponbiderako erreferenteetako bat bilakatu dena munduan. 1998ko akordioaren helburu nagusia biolentziari amaiera jartzea zen. Indarkeria izugarri apaldu da, baina ez da desagertu. Berbarako,... [+]
Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]
2022ko abenduaren 6an Ipar Irlandako mugimendu errepublikanoaren aldarrikapen historikoetako bat gauzatu zen: data horretatik aurrera, Irlandako berezko hizkuntza ofiziala da, lehenbizikoz, Ipar Irlandako sei konderrietan.