Eskubide zibilen aldeko manifestazio bat tirokatu, hamahiru lagun hil eta beste hamabost zauritu zituen Erresuma Batuko Paratxutisten Erregimentuko 1. Batailoiak 1972ko urtarrilaren 30ean Derryn (Irlanda).

“Bloody Sunday” (igande odoltsua) gisa ezagutzen den gertakarian parte hartu zuten hamabost soldadu ez dituela prozesatuko iragarri du Ipar Irlandako Fiskaltzak.

Auzi berean, “F soldadua” gisa identifikatu den militar bat prozesatu zuten iaz hilketa eta hilketa saiakera leporatuta. Epaiketaren zain dago. Kasu horrekin batera, 2019an beste hamasei soldaduren aurka egiteko “ebidentzia nahikorik” ez zegoela adierazi zuen fiskaltzak.  

Biktimen senideek etsigarritzat jo dute fiskaltzaren erabaki berri hau eta helegitea aurkeztuko dutela iragarri dute.