aurre egingo dieten hedabide independenteak
Norbere testuak irakurtzea errebisatzea besterik ez den bezala, norbere iritziak plazaratzea ez da tesi bat jendartean aurkeztea, ez bada bakoitzaren subjektibotasunaren emaitza besteoi saltzea besterik. Kolektibotik osatzen direnak dira sarri benetako gatazka baten sintesiak, alde eta kontra dauden aburu pertsonalen collage konplexuak.
Botatakoak soinean eramaten ere jakin behar da. Ez da kontu inozoa entzule mordoaren aurrean zure iritzia fundamentuzkoa ez dela esatea, aintzat har ez dezaten erreguz eskatzea, belarrian jaramonik egin ez diezazuten eskatzea. Tiro bat zerura, balak nora iritsi ez baleuko bezala. Bien bitartean etengabeko iritzi ezerez zaparrada, belaunetaraino bustita.
Ez da lan makala gure hitzek inpaktu bat sortzen dutela onartzea, baina, arren, saia zaitezte; ez da hainbesterako.
Iritzia ematen duten hainbeste iritzigileren eta zeresanik gabekoen artean, hainbeste zarata artean, zure burmuina elektrokutatu nahi izatea, iritzia ez ematea da hautua beste askorentzat. Ez dakienarena egiten duenak ongi ohi daki, ironia badirudi ere, zer ardura duen esku artean; ezjakintasuna Fairy modura baliatzen du guztiz eskuetatik kentzeko. Norbaitek aktiboki mozoloa izatea erabakitzen duen bakoitzean aingerutxo bat hiltzen da zeruan.
Ez dugu seriotasun irmo batez inork baino gehiago dakigula eman nahi, desafioa eta umorea nahi ditugu. Ni batek guztion izenean dihardu, bost ahots edo ahots bat bost aldiz
Kolektiboan idaztea, eta horren gainetik kolektiboan sinatzea, babes asegurua ere bada. Pozak, konplimenduak, burlak eta erantzukizunak ere bosten artean banatzea sekulako abantaila ere badelako; onartzen dugu. Ezin inpostore sentitu zure lana zurea bakarrik ez denean, besteei merituak onartzen soberan dakigu-eta.
Esaten dugunari ezin zaio aurpegirik jarri, logo bat agian. Eta, horrek, esaten duguna jasotzeko modua ere aldatzen du: ez da ikasle honek idatzitako testua, ez da bertsolari horrek idatzitakoa, edo militante horrek idatzitakoa. Hala eta guztiz ere, xedea badute, osotasun baten emaitza dira eta ez pot-pourri ulergaitza. Behe Bandak idazten du eta ez gutako bakoitzak, hori posible bada.
Idatzi ahalko genuke zutabe polit bat. Apaingarriz beterikoa, zehaztasun kotidianoz kargatua, lehenengo pertsona singular sustraitu batean, letra etzanezko iruzkin eta modernismoz betea (beno, hori guk ere egiten dugu), horrelako esamoldeekin: duela gutxi esan zidaten, aurreko egunean entzun nuen, egunkarian irakurri dut. Eskatu dizutelako eta postu hori galdu nahi ez duzulako idaztea, idazteagatik idaztea.
Aurrez aipaturiko horretatik ihes egite aldera, pertsonala kritikarako tresna bihurtzen saiatu nahi dugu. Ez dizkizuegu gure intimitateak debalde kontatu nahi, iritzi bat plazaratzeko pieza esanguratsuak ez badira. Ez dugu seriotasun irmo batez inork baino gehiago dakigula eman nahi, desafioa eta umorea nahi ditugu. Ni batek guztion izenean dihardu, bost ahots edo ahots bat bost aldiz.
Esatekoaren bila hasi dugu zutabe hau ere, poesia guretzat askotan bide errazena hartzea izan delako. Iradokitzailea izatera jolastea ohituta, zer-esan zehazki ez jakin eta irakurlearen interpretazio librera ohitu, eta benetan zeresana galdu. Zutabe asalariatu baten minimoa, zerbait izan beharko balitz, esan gabe gelditzen den hori esaten asmatzean datzala uste dugu.
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Hautsak harrotu ditu azken orduetan Interneten WeTransfer zerbitzu oso praktiko eta erabiliak iragarri dituen erabilpen baldintza berriek, abuztuan jarriko direnak indarrean. WeTransfer da oso fitxategi (edo fitxategi multzo) handiak bidaltzeko modu bat. Ez dira kabitzen e-posta... [+]
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
Abuztuaren 9tik 17ra izango da Piraten Aste Nagusia, eta aurten "Auzolanari tiraka!" ariko direla adierazi dute. Abordatzea abuztuaren 11n izango da, eta Piraten Egun "berezia", hilaren 15ean.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Motorrez gainezka dago Iñaki Mujikak Altsasun duen tailerra. Ilaran daude denak, baina bada barreneko gelaxka batean aparte gordetako bat. Mujikak beretzat egokitu nahi duen motorra da. 2021ean igo zen azkenekoz motor gainera; istripu larria izan zuen moto-kros zirkuitu... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]