Agiri bidez jakinarazi dute EHZ festibalaren antolatzaileek: asteburu honetakoa Irisarrin eginen den azkena izanen da. EHZ "bidai bat" delako, badoa aitzina Arrosan hasi, Idauze-Mendin, Heletan eta Lekornen segi eta oraingoz Irisarri arte egin da bidea, 1996ko lehen edizio hartaz geroztik. Laguntzaileek erabakiko dute ondokoa non eginen duten.

Ostiralean abiatuko dute festibala eta bitartean dozenaka laguntzaile dabiltza antolaketan. Orotara 500 laguntzailek eramandako lanari esker iraganen da musika, antzerkia, zirkoa, hitzaldiak eta dantza nahasten dituen ekimena. Horra hemen aurtengo egitaraua –jakin horrez gain, hitzaldi eta gogoeta une andana dutela finkaturik–.