Irazoki, Sorkun, Afu eta Euskabaret, herri sanferminetan
Herri Sanferminak plataformak aurkeztu du sanferminetako programa: San Jose, San Frantzisko eta Errekoletak plazetan, otorduak, haurrentzako ekimenak, azokak, bertso saioak eta beste izanen dira.
Oraindik udalaren erantzunik lortu ez badute ere, herri sanferminekin aurrera segituko du Herri Sanferminak plataformak. Aurkeztu du jada plazaz plazako egitaraua.
San Jose plaza
"Autogestiorako eta parte hartze zuzenerako gunea" izanen da San Jose plaza. Oholtza eta barra herrikoia izanen ditu, baita mahaiak, aulkiak eta sukaldean egiteko tresneria ere. Nahi duenak bere janaria eraman eta bertan bazkaltzeko aukera izanen du. Alde Zaharreko komertzio txikietan erosketak egiteko deia egin du plataformak, eta, gero, San Jose plazan sukaldean egiteko eta bazkaltzekoa.
Eguerdietan, bazkari herrikoien txokoa ere izanen da: gazte bazkaria, bazkari internazionalista, peñen bazkariak... Arratsaldeetan, kultur eskaintzaren hitzordua iritsiko da: dantza-kantuz herrikoia, Kiki Bordatxo, Rojo Cancionero, Boisseko dantzariak, bertso musikatuak eta abar.
Iluntzean, honako talde hauek igoko dira oholtzara: The Trikiteens, Oharkabe, Oskar Benas, Joseba Irazoki edo Ostatu ibiltaria, besteak beste.
.JPG)
San Frantzisko plaza
Haurrei eskainitako espazio bilakatuko da San Frantzisko, bai eta gaueko kontzertuen arnasgune ere. Kontzertuak, dantzaldiak, bakarrizketak, antzerkiak, umeentzako tailerrak, pailazoak, zirkua, aztiak... egun osoan egonen da zer gozatua bertan.
Gainera, goizean Euskalerria Irratiak bertatik emitituko du, zuzen zuzenean, sanferminei eskainitako programazio bereziarekin.
Janariei dagokienez, egunero eskainiko dute menu berezia, tartean, ogitartekoak eta pizzak, denak modu ekologikoan eginak.
Los Tajudos del Norte, Neurona t'erdi dj iruindarrak, Ebri Knight kataluniarrak, Evil Killers, El sonido de la Metralla, Potato, Iseo&Dodo sound, La Furia, The Allnighters, Estricalla, The Real McKenzies edo 13Krauss izanen dira gaueko kontzertuak.
Errekoletak plaza
Bermutaren orduan eta arratsalde eta gauetan mugimendua izanen duen gunea da, "bertako musika eta kultura" sustatzekoa.
DJ Toni Pedrosa, DJ Aitor Etxebe, DJ Tania TNT, Bastardix, Sorkun, Afu, Euskabaret, Elorri Folk taldea, Bourbon kings, Zezé, Smog, Arcada Social, Lur Jota, Adriana Olmedo Play Back, Skabidean, Saskarrak eta Akhort taldeak ariko dira.
Horrez gain, mus txapelketa herrikoia eta play back lehiaketa antolatuko dituzte.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Gasteizko Txosnek gaur aurkeztu dituzte ofizialki 2025eko Andre Mari Zuriaren jaietarako kartela eta musika zein kultur programazioa. Hirugarren urtez jarraian, Entxosnatu, etorri gugana! lelopean, gune autogestionatuak abuztuaren 4tik 9ra egongo da irekita, 40 kontzertu eta... [+]
Astelehenetik igandera askotariko 106 jarduera antolatu dituzte auzoko bizilagun eta eragileek, parte hartzea, auzo harrotasuna eta autogestioa ardatz. Aurten poliziak bortizki hustu berri duen Korda espazioa izango dute gogoan. Hamazazpigarren edizioa da aurtengoa.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
Azken urteetan Eusko Jaurlaritza eta Araba, Bizkaia eta Gipuzkoako foru aldundiak Ticket Bai fakturazio sistema ezartzea exijitzen ari zaie hiri ugaritako jai batzordeetako txosnei. Horren aurrean, Euskal Herriko dozenaka festetako ordezkariek “txosnak eta herri jaiak... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Euskal Herriko hainbat txosna eta jai batzordek deituta, elkarretaratzea egin dute larunbatean Bilboko Miribilla auzoan. Azpimarratu dute txosnak ez direla "edariak zerbitzatzeko barra hutsak", jai herrikoien "bihotza" baizik. Horregatik, Txosnak. Gureak, denonak... [+]
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe... [+]
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Lantzeko inauteri txikien kalejira ikusle guztien begietara urtero modukoa izan zen. Txatxoak, Zaldiko, Ziripot eta Miel Otxin herriko ostatuko ganbaratik jaitsi eta herritik barna bira egin zuten txistularien laguntzarekin. Askok, ordea, ez zekiten une historiko bat bizitzen... [+]