Ipar Euskal Herrian hautetsiak eta gizarte eragileak elkartu dira Lurralde Elkargoa aldarrikatzeko. Baionan egindako aurkezpenean ildo nagusiak azaldu dituzte. Indar metaketa hori posible egingo duten adostasunak finkatu, batetik, eta Frantziako gobernuari presioa egin Iparraldeak “aho batez” babesten duen helburua onartzeko bestetik.
Hautetsien Kontseiluak, Auzapezen Biltzarrak, Garapen Kontseiluak, Baionako Merkataritza eta Industria Ganberak eta Batera mugimenduak osatzen dute koordinadora, Ipar Euskal Herriko hainbat diputatu eta senatarirekin batera. Hurrengo astetan ahalik eta eragile gehienen sostengua bilatuko dute, Frederique Espagnac PSko senatariaren esanetan, Parisek uler dezan proposamenaren atzean “herri baten ardura” dagoela.
Gobernuak orain arte aldez aurretiko jarrera eskasa erakutsi duela azaldu dute. Izan ere, aitorpenik txikienak ere Errepublikaren zatiketarako arrisku gisa ikusten dutela salatu du Sylviane Alaux diputatu sozialistak.
Frantziako Senatuak martxoan aztertu beharko luke neurria, baina atzerapenak direla eta, baliteke ekainera arte bozketarik ez egotea.
Euskal Hirigune Elkargoko batzar berezia egin dute 232 hautetsiek, bideokonferentziaz. Aurtengo aurrekontua eta Bizilekuen Tokiko Programa onartu dituzte, baina programa errefusatu eta “anbiziozko etxebizitza politika bat” aldarrikatu du hainbatek.
Esnal, Haranburu eta Paroti ezartzen ari zaien “heriotza zigorraz” kexu da elkargoa frantziar justiziaren erabakiaren aurkako mozio batean.
Zortzi atal, 27 proposamen. Hona Baterak Euskal Hirigune Elkargoaren gobernantzaren hobetzeko, Jean-René Etchegaray presidenteari eman dion txostena joan den larunbatean. Baterak, joanden irailetik eskualdeka, 16 herri desberdinetan bilkurak antolatu ditu oharren... [+]
Hautetsiak eta euskalgitzako eragileek osatu lan batzordeak ari dira norabide hauen lantzen, Beñat Arrabit, Euskal Elkargoko hizkuntz poltikarako arduradunak, Amikuzeko irratiaren estrenan azpimarratu daukun bezala.
Oporraldiko azken egunen atzerako kontaketa egitea eskatu zidan buruak nonbait, hartara, ARGIAko egutegiari orri berri bat kendu nion agorrileko hamazazpian. Buruketa hau egitea proposatzen zuen: “Euskal Herriko Lurralde osoa hartzen duen administrazioari nola deitzen... [+]