Hildako bat eta kalte larriak uholdeen eraginez
Ostegun gauean hasitako euriteek kalte larriak eragin dituzte Lapurdi, Nafarroa Beherea eta Zuberoako zenbait herritan. Izura eta Uharte-Hiri artean 84 urteko gizon bat hil da urak eramanda. Baztanen (Nafarroa) ere ibaiak gainez egiteak arazo larriak sortu ditu. Kalte handienak Elizondon eta Erratzun izan dira.
Lapurdiko, Nafarroa Behereko eta Zuberoako egoerari erantzun nahian, Prefekturak operazioa abiatu du. Errobi eta Uhaitza ibaiadarrak atera dira eta hainbat informazio iturriren arabera, arazo gehien Maule, Donibane Garazi, Baigorri eta Larzabale inguruetan sortu dira.
Ura etxe askotan sartu da eta Baigorri eta Garazi artean zenbait lagun teilatuetatik atera behar izan dituzte. Telefono lineak, elektrizitatea eta errepide ugari ere moztuak izan dira.
Iparraldekohitza.info-n irakur daitekeenez, Donibane Garazi osoa urpean geratu da eta herriko sarrera-irteerak blokeatuak dira. Baigorrin ur maila igotzen ari da zentro zein irteeretan eta Bankan euriak eragindako lokatzak etxeak gainditu ditu. Maulen ere, erreka alboko etxeak ur azpian geratu dira, baita Jatsu eta Uztaritze arteko errugbi zelaia ere.
Euskal Irratietan gertuko informazioaren jarraipena egiten ari dira Irulegiko irratitik, Gure Irratia eta Xiberuko Botza emititu ezinda geratu baitira. Euskalirratiak.info webgunean goizean zehar batu dituzten lekukotasunak jarri dituzte entzungai.
Ezterenzubiko auzapez Jean Louis Poydessusek “dena igerian da egun” adierazi du Iruelgi Irratian. Etxean atera ezinik geratu da eta eskola ur azpian eta bide guztiak trabatuak geratu direla azaldu du.
Moztutako bideak
Iparraldeko hitzan jaso dutenaren arabera, moztu diren errepideak ondorengoak dira: Baigorri eta Azkarate lotzen dituen RD 948a, RD 933a Larzabalen, Ortzaize eta Baigorri lotzen dituen RD 918a, Pagolan RD 362a, Sohütan RD 860a eta Ospitalepean RD 859 bidea.
Baztanen ere larri
Nafarroako Gobernuak ere larrialdi planaren lehen maila ezarri du. Bertako iturriek adierazi dutenez, kalte nabarmenenak Elizondon eta Erratzun izan dira. Elizondoko kaleak urpean geratu dira eta urek auto asko eraman dituzte.
Larrialdi zerbitzuak Elizondoko igerilekuetatko eraikinetik emakume bat atera behar izan dute, garbitzera joana zen andrea, urak harrapatuta atera ezinik geratu baita. Zaharren egoitzatik ere beste lagun bat erreskatatu dute. Javier Morras kontseilariaren hitzetan, "arrisku handiko" ererskateak izan dira eta urpekariek ere parte hartu behar izan dute horietako batean.
Etxetik ez ateratzeko gomendioa
Alerta laranja ezarri dute agintariek, atertu ezean uholdeak handitzen joan daitezkeelako. Prefekturak operazio berezia martxan jarri duen arren, suhiltzaileak toki batzuetara iristeko zailtasunekin ari direla jakinarazi dute. 30 eta 60 mm arteko ur metaketa espero da datozen orduetarako, eta mendi inguruetan 100-120 mm artekoa.
Urak gainez egiten duela ikusiz gero, goiko solairuetara igotzea eta ahal den neurrian, etxetik ez ateratzea eta autorik ez hartzea gomendatu dute.
Informazioa minutuz minutu:
Twitterren #uholdeak traolaren bidez ari dira euriteen ondorioen berri ematen hainbat erabiltzaile eta hedabide:
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.
Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.
Departamentua alerta laranjan jarri du Pirinio Atlantikoetako prefeturak euriagatik uholdeak sor daitezkeelako. Alerta gutxienez gaueko 21:00ak arte dago ezarria.
Uretako babes indibidual eta kolektiborako material “egokia” eskatu dute, bestela gaueko esku-hartzeetan segurtasuna “arriskuan” baitago. ELA sindikatuak ohartarazi du 2017an ere zuzendaritzan salatu zutela egoera bera, baina ez dela irtenbiderik eman.
Eurite iraunkorrengatik alerta laranjan daude Gipuzkoa, Bizkaia eta Araban, baita Nafarroa iparraldean ere. Hainbat tokitan ibaiek gainezka egin dute Euskal Herri osoan eta luiziek trabak eragin dituzte garraiobideetan.
Bi herritar hil dira azken egunotako euriteek eragin uholdeen ondorioz. Bata Sunbillako emakume bat luizi batek harrapatuta, eta bestea, Elizondokoa, Lesakara bidean zela desagertu eta Bidasoa ibaian aurkitu zuten hilotz. Kalte materialak leku ugaritan eragin ditu, izan Lapurdin... [+]