Interes ekonomikoekin LGTB+ kolektiboaren borroka bereganatzea leporatu dio E28 Koordinadorak EAJri
Asteazken goizean egin du agerraldia Bizkaiko E28 Koordinadorak, eta Bilbao Bizkaia Harro ekimena eta horri egindako boikota hartu dute ahotan. Ekainaren 28rako, Sexu Askapenaren Nazioarteko Egunerako, mobilizazio deialdia ere egin dute.
Bilboko Zirika kulturgunean egin du agerraldia Bizkaiko E28 Koordinadorak, ostegun goizean. Bi gertakari gogoraraziz hartu dute hitza bozeramaileek: duela 50 urte New Yorken gertatutako Stonewalleko erreboltak batetik, eta Francisen hilketa bestetik –orain 40 urte Oreretan Espainiako Polizia Nazional batek hil zuen–.
Gertakariok mahai gainean, mugimenduaren izaera antikapitalista eta errepresioaren aurkakoa azpimarratu dituzte: “Orain dela 50 urte poliziaren basakeriaren aurka jaiki ginela ere oroitzen dugu. Gaur eta hemen ere, errepresio polizialaren aurka irmo agertzen gara (…) Azken finean, subjektu disidenteak jazarri, atxilotu eta torturatzen ditu. Guk argi daukagu, errepresioaren aurrean tinko agertzen gara”. Ondokoa gehitu dute: “Oroitzapen hauek borrokaren oinarria biziberritzen dute. Antikapitalistak gara. Horregatik, E28 koordinadora erakunde ezberdinek bideratu duten instrumentalizazioaren kontra agertzen da, ostadar bandera erabili nahi baitute turismoa handitu eta gure auzoak gentrifikatzeko, Bilbao Bizkaia Pride eredu”.
Bilbao Bizkaia Harro, mugimendua harro sentiarazten ez duen ekimena
2009tik, “EAJ-PNV eta Ortzadarrek, LGTB+ mugimenduak alde batera utzita, euren proiektua mantentzea ebatzi zuten momentutik bertatik”, Pridearen kontra agertu izan direla gogorarazi dute. Fenomeno berria izan ez arren, irabazi politiko eta ekonomikoengatik borroka bat bereganatzea ez dela zilegi argudiatu dute, eta adierazi hargatik gaitzesten dutela Bizkaiko Foru Aldundiak, Bilboko Udalak eta Ortzadarrek kudeatutako Pridea.
Horrez gain, salatu dute Bilbao Bizkaia Harro bezalako ekimenetara dirutza bideratzen den bitartean, nabarmen baxuagoa den aurrekontua eskaintzen zaiola LGTB+ kolektiboari begira benetan garrantzitsuak diren esparruetara: “2018. urtean Bilbao Bizkaia Prideak 60.000 euro baino gehiago jaso zituen Bilboko Udalaren eta Bizkaiko Foru Aldundiaren eskutik; eta aurtengo irailean 70.000 euro baino gehiagoko aurrekontua prestatu dute EPOAren (European Pride Organisers Association) bilera gauzatu ahal izateko. Asteburu biak aintzat hartuta, guztira 130.000 euro baino gehiago gastatu dira, proiektuaren kontra agertzen den kolektibo baten izenean. Euskal Autonomia Erkidegoan LGTB+ komunitateari arreta eskaintzen dion Berdindu! zerbitzu publikoak 175.000 euroko aurrekontua du urtero. Pride-aren asteburuan ikasleentzako aniztasun sexuala lantzeko formazioetan baino diru gehiago xahutzen da”.
Dezenteko diru kopuruaz antolatutako Bilbao Bizkaia Harro ekimeneko ekitaldi batzuk “hutsik egon direla” jakinarazi dute, eta E28 Koordinadorak eginiko boikot deialdiarekin lotu dute. Horren adibide gisa aipatu dute “ekitaldira gonbidatutako zenbait artistak egin duten boikota”. Hala ere, gehienbat “LGTB+ mugimenduek eta beraiekin kidetutako mugimenduek babestu ez duten txakurkeriaren emaitza bezala ulertzen” dutela adierazi dute. Argi mintzatu dira: “Ez feminismoa, ez euskalgintza, ezta aniztasun funtzionala ere, ez daude salgai”.
Bilbao Bizkaia Pridea bezalako “burugabekeriari” aurre egin bazaio, mugimendu sozial ezberdinen arteko elkarlanari esker izan dela jakinarazi dute, “mugimendu sozial ezberdinen arteko borroka eta zaintza sarea berreskuratu eta indartzeko beharra” azpimarratzeko baliatuz unea. “Hain handia den etsaiaren aurrean, aliantza indartsu, kritiko eta intersekzional baten beharra daukagu”.
Mobilizazio deialdia
Koordinadorak argi utzi du: “Gure borroka saltzeko saiakera hauen kontra aurrez-aurre aurkituko gaituzue. Gure beharrizanen alde borrokatzen jarraituko dugu”. Hala bada, ekainaren 28an, Sexu Askapenaren Nazioarteko Eguna dela eta, mobilizazioa deitzeko ere baliatu dute agerraldia. “LGTB borrokan emandako urte guztiak gogoratzeko eta hau posible egin duten pertsona guztien lekukoa hartzeko” manifestazioa deitu dute Bilbon ostiralean; Jesusen Bihotzetik abiatuko da, 19:30ean.
LGTBIQ+ Komunitatearen Nazioarteko Eguna dela eta, hainbat kolektibok deituta sexu askapena eta harrotasuna aldarrikatu dituzte larunbatean Euskal Herriko hiriburuetan eginiko manifestazioetan. Loratuz Lotu, Anitzak, Lumagorri eta Sumin Trans taldeek jaso dute Ehgamek... [+]
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]