‘Inoiz gehiago ez!’ sortu da, eskuin muturraren aurkako plataforma
Inoiz gehiago ez! plataforma aurkeztu zuten atzo Bilbon. Muturreko eskuina Europan hartzen ari den indarrari aurre egin asmoz jaio da taldea.
Sindikatu, mugimendu sozial, gazte erakunde eta hainbat alderditako kideek plataformarekin bat egin dute, eta Zirika herri-guneko aurkezpen agerraldian parte hartu zuten atzo.
Faxismoa, xenofobia, arrazismoa, sexismoa eta LGBT fobiari erantzun bateratua eta antolatua eman nahi dio plataformak.
Hainbat alderdi politikok osatzen dute taldea. Besteak beste Sortu, Aralar, Alternatiba, Eusko Ekintza eta Ezker Anitzak. Baita bestelako antolakundeek ere: Ernai, Sare Antifaxista, Gazte Abertzaleak eta Gazte Komunistak beste batzuen artean.
Info7 irratiko Kale Gorrian saioan elkarrizketa egin diote Rikardo Otxoa Inoiz gehiago ez!-eko kideari.
Plataforma faxismo, arrazismo eta intolerantziaren aurkako mugimendu zabalaren “enbrioia” izatea espero du Otxoak.
Kataluniako Unitat conta el Feixisme izan da talde sortu berriarentzako inspirazio iturri. 400 talde inguru barnebiltzen ditu kolektibo horrek.
Unitat contra el Feixisme hastapenetan 13 erakundek osatutako nukleoarekin abian jarri bazen ere egun ehunaka talde batu zaizkie. Inoiz gehiago ez!-ek ere plataformara atxiki daitezkeen kolektibo gehiagorekin harremanetan dagoela azaldu du Rikardo Otxoak.
Muturreko eskuina Europan hartzen ari den indarraren hainbat adibide jarri ditu Otxoak: Greziako “Urrezko egunsentia” alderdiaren parlamentuko presentzia; Hungariako Fidesz muturreko alderdia, Viktor Orban lider duena; eta Frantziako Frente Nazionala eta Clement Meric erail zuen Gazte Nazionalista Iraultzaileak taldea besteak beste.
Gainera, Euskal Herrian jarrera faxistak izan badirela gogorarazi du: alkate nafarrek gutun erasokorren bidez jasaten duten jazarpena, Gasteizko alde zaharrean agertutako margoketa arrazistak edo Gerra Zibileko gudariak omentzen dituzten monumentuen aurkako erasoak izan dituzte hizketa-gai.
Plataformaren aurkezpen ekimenean taldearen lehenengo ekimenen berri eman dute jada:
Martxoaren 14 eta 15ean Bilbo eta Gasteizen: “Ultra eskuinaren gorakada krisian dagoen Europan” hitzaldiak Arkaitz Iza CUPeko eta Vendrell taldeko militantearen, Bertran Cazorla politologo eta kazetariaren, eta David Karvala En Lluita taldeko militante eta Unitat contra el Feixisme i el Racisme taldeko kidearen eskutik.
Martxoaren 22an: Bilbon manifestazioa, 18:00tan Plaza Eliptikotik aterata.
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Segurtasunaren aldeko elkarretaratze bat antolatu dute ostiral honetarako, hilak 23, Altzako Harria parkean. Donostiako hainbat eragile antifaxistek salatu dutenez, “Voxeko jarraitzaile bat” da deialdiaren atzean dagoena, eta Frente Obrerok eta Juventud Combativa... [+]
Joan den abenduan gaztetxeak pintaketa nazi-faxistak salatu zituen ere, eta oraingo honetan “Stop LGTBI”, “Fuera degenerados” edota “No os dejaremos dormir” bezalako mehatxuak izan dira asteburuan Lakaxitako hormetan azaldu diren mezuak, diana... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Hirurehun bat pertsona hurbildu ziren jende katea osatzeko Marengo eta Pannecau zubien artean.
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
Larunbatean pertsona talde batek Tolosaldeako Kontseilu Sozialistako kide bati eraso egin ziola salatu dute. Azaldu dutenez, "faxistei aurre" egin zien propaganda jartzen ari zirela, eta piperbeltz espraiarekin zipriztindu zuten.
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.
Vox alderdi faxistak Iruñeko Arrotxapea auzoan "informazio-mahai" bat jartzeko asmoa iragarri zuen, eta "kaleetan faxistarik nahi ez duen" langile-auzo anitz baten gaitzespenarekin egin dute topo. Berriozarren ere izan dira VOXekoak, eta bertan ere... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.