ARGIA.eus

2022ko abuztuaren 11

"Indarkeria matxistarik gabeko bizitzak" ozen aldarrikatu dituzte kalean

  • “Promesa faltsuez nazkatuta” daudela azpimarratu dute milaka emakumek, eta erakunde guztiei eskatu diete politika feministekin “konprometitzeko”. Indarkeria matxistak hil dituen andre guztiak gogora ekarri dituzte.

Gasteizko kaleetan autodefentsa feminista antolatzera deitu dute. / Argazkia: Arabako Alea.
2021eko azaroaren 26a

“Amorruak ematen duen indarrez” hartu dituzte kaleak milaka emakumek Azaroaren 25ean. Emakumeen Kontrako Indarkeriaren Aurkako Nazioarteko Egunean ozen aldarrikatu dute indarkeria matxistarik gabe bizitzeko eskubidea. Euskal Herriko Mugimendu Feministak deituta, hiriburuetan eta hainbat herritan manifestazioak egin dituzte. “Minduta eta nazkatuta”, gogorarazi dute aurten gutxienez bost andre hil dituztela Euskal Herrian; 2003an hilketa matxistak kontatzen hasi zirenetik, 112 andre eta hamaika ume erail dituzte. Salatu dute azken urtean emakumeek eta LGTBIQ+ kolektiboko pertsonek “ehunka eta ehunka” eraso jasan dituztela “kalean eta etxean”.

Bortxa horiei aurre egiteko autodefentsa feminista antolatzeko deia egin dute: “Gure bizitzak defendatzeko, ikasi ditugun arauak zalantzan jartzeko, indarkeria zein askotariko errealitateei modu indibidualean eta kolektiboan aurre egiteko”. Aldarrikatu soilik ez, “boteretze kolektiboa” erakutsi ere egin du mugimendu feministak, deiadar artean kaleak eta plazak berenganatuta.

 

 

Argitu dute egungo jendarte eredua “jasangaitza” dela “emakume eta genero disidenteentzat”. Horregatik, “morez mozorroturiko adierazpen instituzionalak” zein “promesa faltsuak” baztertu eta “benetako politika feminista eraginkorrak” eskatu dituzte; erakunde guztiei galdegin diete indarkeria matxista ezabatzeko lan egiteko.

 

 

 

Baionan salatu dute indarkeria matxista jendarte osoaren arazoa dela. Argazkia: @oi_tsr

 

 

 

Iruñeko manifestazioa bideo batean jaso du Ahotsa.info atariak:

Pandemian bikoiztu egin dira eraso matxistak

Nazio Batuen Erakundeak azaroaren 25ean bertan jakinarazi du pandemia hasi denetik bikoiztu egin direla eraso matxistak. Argitaratutako txosten baten arabera, munduan hiru emakumetik batek pairatu du noizbait indarkeria matxista. Gainera, erasoa jasandako hamar andretatik soilik bakarra joan da Poliziara; laguntza telefonikoa aukeratzen du askok: pandemia aurretik baino bost bider dei gehiago jaso dituzte. NBEk 40.000 milioi dolarreko funtsa aurreikusi du emakumeen nazioarteko erakundeei laguntzeko. Gobernuei “neurri zehatzak” hartzeko eskatu diete.


Indarkeria matxista kanaletik interesatuko zaizu...
2022-07-11 | ARGIA
Beste sexu eraso bat salatu dute Iruñean

Emakume batek salatu du larunbat gauean erasotu zutela Mendilorri auzoan. Asteartean elkarretaratzea deitu du Mugimendu Feministak, eta erasoa gaitzetsi dute. Tolosan beste emakume batek salatu du asteburuan sexu erasoa egin ziotela.


2022-07-10 | Leire Artola Arin
Emagin Elkartearen gida berria
Eraso matxisten aurrean, ardura hartze kolektiboa

Jaietan erabiltzen den Erasotzaileak kanpora! lema nahikoa al da erasoaren egilea norbere kolektiboko kidea edota laguna denean? Emagin Elkarteak protokolo propio bat proposatu du talde barneko eraso matxistak kudeatzeko, eraldaketa eta minaren erreparazioa ardatz dituena... [+]


'Chineo'-aren abolizioa eskatu dute Argentinan, ume eta emakume indigenen bortxaketa normalizatua

Kreoleek ume eta emakume indigenak bortxatzea da chineo-a. Hego Amerikan, batez ere Argentinako iparraldean ematen da kolonizazio garaitik.


2022-07-05 | ARGIA
"Beldurrak gurekin jai!" lelopean, autodefentsa feminista aldarri Sanfermin bezperetan

Beltzez jantzitako emakume andanak Iruñeko alde zaharra hartu du Sanfermin jaien bezperetan. "Beldurrak gurekin jai!" lelopean, eraso sexistarik ez dutela onartuko ohartarazi dute mugimendu feministako kideek, autodefentsa feministarako deia eginez. Ekinklik-ek... [+]


Irakurrienak
Argia buletina
Egunaren laburpena
zure e-postan
Eguneraketa berriak daude