“Indarkeria matxistarik gabeko bizitzak” ozen aldarrikatu dituzte kalean
“Promesa faltsuez nazkatuta” daudela azpimarratu dute milaka emakumek, eta erakunde guztiei eskatu diete politika feministekin “konprometitzeko”. Indarkeria matxistak hil dituen andre guztiak gogora ekarri dituzte.
“Amorruak ematen duen indarrez” hartu dituzte kaleak milaka emakumek Azaroaren 25ean. Emakumeen Kontrako Indarkeriaren Aurkako Nazioarteko Egunean ozen aldarrikatu dute indarkeria matxistarik gabe bizitzeko eskubidea. Euskal Herriko Mugimendu Feministak deituta, hiriburuetan eta hainbat herritan manifestazioak egin dituzte. “Minduta eta nazkatuta”, gogorarazi dute aurten gutxienez bost andre hil dituztela Euskal Herrian; 2003an hilketa matxistak kontatzen hasi zirenetik, 112 andre eta hamaika ume erail dituzte. Salatu dute azken urtean emakumeek eta LGTBIQ+ kolektiboko pertsonek “ehunka eta ehunka” eraso jasan dituztela “kalean eta etxean”.
Bortxa horiei aurre egiteko autodefentsa feminista antolatzeko deia egin dute: “Gure bizitzak defendatzeko, ikasi ditugun arauak zalantzan jartzeko, indarkeria zein askotariko errealitateei modu indibidualean eta kolektiboan aurre egiteko”. Aldarrikatu soilik ez, “boteretze kolektiboa” erakutsi ere egin du mugimendu feministak, deiadar artean kaleak eta plazak berenganatuta.
Este #25N a pesar de la lluvia, el frío y el viento ? #Bilbao se unió en un Grito #Feminista ? contra la #violenciamachista ?? Indarkeria matxistarik gabeko bizitzak orain ? GORA BORROKA FEMINISTA!!! pic.twitter.com/3CvCJghkq6
— Ecuador Etxea (@EcuadorEtxea) November 25, 2021
Gaur eta egunero ozen esango dugu... INDARKERIA MATXISTARIK GABEKO BIZITZAK NAHI DITUGU! pic.twitter.com/hRNTv7FIZP
— Donostiako Bilgune Feminista (@donostikoBF) November 25, 2021
Argitu dute egungo jendarte eredua “jasangaitza” dela “emakume eta genero disidenteentzat”. Horregatik, “morez mozorroturiko adierazpen instituzionalak” zein “promesa faltsuak” baztertu eta “benetako politika feminista eraginkorrak” eskatu dituzte; erakunde guztiei galdegin diete indarkeria matxista ezabatzeko lan egiteko.
Iruñeko manifestazioa bideo batean jaso du Ahotsa.info atariak:
Pandemian bikoiztu egin dira eraso matxistak
Nazio Batuen Erakundeak azaroaren 25ean bertan jakinarazi du pandemia hasi denetik bikoiztu egin direla eraso matxistak. Argitaratutako txosten baten arabera, munduan hiru emakumetik batek pairatu du noizbait indarkeria matxista. Gainera, erasoa jasandako hamar andretatik soilik bakarra joan da Poliziara; laguntza telefonikoa aukeratzen du askok: pandemia aurretik baino bost bider dei gehiago jaso dituzte. NBEk 40.000 milioi dolarreko funtsa aurreikusi du emakumeen nazioarteko erakundeei laguntzeko. Gobernuei “neurri zehatzak” hartzeko eskatu diete.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]