Iñaki Bilbaok gose greba bertan behera laga du
Amnistiaren Aldeko eta Errepresioaren Kontrako Mugimenduak jakinarazi duenez, Iñaki Bilbao Goikoetxea preso politikoak bertan behera utzi du 50 egunez luzatu den gose eta komunikazio greba.
Joan den astean Puerto Real (Andaluzia) hiriko ospitalera eraman zuten eta han derrigorrez zainetatik elikatu dute, haren gogoaren kontra eta epailearen aginduz. Ostegunean ospitaletik Puerto-III espetxeko erizaindegira eraman dute eta horren ostean erabaki du 50 eguneko gose eta komunikazio greba bertan behera uztea, Amnistiaren Aldeko eta Errepresioaren Kontrako Mugimenduak jakinarazi duenez.
Irailaren 9ko goizaldean abiatu zuen gose greba Iñaki Bilbao Goikoetxea euskal preso politikoak Puerto III espetxean. Presoak iragarri zuenez, “Euskal Herria Independente, Sozialista, batua eta euskalduna” lortzea zen haren aldarrikapena. Bilbaok aldarrikapen horrekin 2017ko maiatz-ekainean hilabetez egin zuen beste gose greba bat, 30 egunen buruan eten zuena 16 kilo galduta eta jadanik ura edateko arazoak hasita. Bilbao Lezamakoa da (Bizkaia), 65 urte urte dauzka eta horietatik 36 daramatza espetxean.
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]