Ilargiaren alde ezkutuko laginekin aireratu da Txinako Chang'e-6 misioa

  • Txinako Chang'e-6 misioak Ilargiaren alde ezkutuko laginak hartu eta Ilargiaren orbitara aireratzea lortu du. Alde ezkututik egin den lehen aireratzea izan da.


2024ko ekainaren 06an - 08:30

Ekainaren 2an lur hartu zuen Chang’e 6 zundak Ilargiaren hego poloko Aitken arroan. Bi egunez laginak jasotzen aritu da; lurpekoak, zulagailuaren bidez, eta gainazalekoak, beso robotiko batekin. Kapsula Lurrera iristean jakingo da zehazki zenbat lagin hartzea lortu duen, baina 2 eta 3 kg artean izatea espero da (Chang'e-5 misioak 1,7 kg ekarri zituen).

Laginketak amaitu ondoren, zundak gurpildun kamera txiki bat atera, metro batzuk urrundu, eta argazkia atera zion zundari, beso robotikoa luzatuta zuela (goiko irudia). Laginak ongi gorde, eta ekainaren 4 goizean aireratu zen. 6 minututan iritsi zen ilargiaren orbitara. Ondo bidean, ekainaren 6an modulu orbitalarekin akoplatuko da, pintza eta barren bidezko sistema berritzaile bat erabiliz. Gero, laginen edukiontzia igoerako etapatik itzulera-kapsulara pasako da, kremailera mekanikodun transferentzia-mekanismo baten bidez.

Modulu orbitala ilargiaren orbitan egongo da 14 egunez, Lurrerantz abiatzeko une egokia iritsi arte. Dena ongi ateratzen bada, ekainaren 25ean iritsiko da kapsula Lurrera. Lehenengo aldiz, ikertzaileek eskura izango dituzte Ilargiaren alde ezkutuko laginak.


Kanal honetatik interesatuko zaizu: Espazioa
Lurrean harrapatuta: zabor espaziala eta misio espazialen etorkizuna

Jakina da Ilargia dela gure planetaren inguruan orbitatzen duen satelite natural bakarra, baina badaude beste satelite asko ere, gizakiok bidalitakoak, satelite artifizialak alegia. Telekomunikazioak, meteorologia, espioitza… zenbatezinak dira gailu horien erabilerak... [+]


Sateliteen gorakadari eusteko beharraz ohartarazi dute

Orbita baxuko sateliteentzako baimenak zorrotzago erregulatzeko beharraz ohartarazi dute aditu batzuek, Science aldizkarian argitaratu duten artikulu batean. Izan ere, dagoeneko milaka satelite daude espazioan, eta sekulako igoera aurreikusi dute.


2023-08-24 | Ilargi Manzanares
Indiako espaziontzia Ilargiko hego polora iritsi da

Herrialdea hego polora iritsi den lehena da, eta ilargiratu den laugarrena. Asteazkenean 14:34ean iritsi da.


Eneko Axpe. Martera begira.
“2025ean espero da lehen emakumea eta zuria ez den lehen pertsona ilargira heltzea”

Eneko Axpe Iza (Barakaldo, 1986) fisikari eta ikerlaria da NASAn, AEBetan, San Frantziskon. Lehen euskaldun fisikaria da NASAn. Musikaria ere bada, hainbat taldetan ibilia. Buru belarri ari da orain lanean; proiektu interesgarria du esku artean: ikertzen ari da nola elikatu... [+]


James Webb teleskopioaren lehen irudiak eta datuak aurkeztu dituzte

James Webb teleskopioaren lehen irudiak eta datuak aurkeztu dituzte: unibertsoari inoiz ateratako argazkirik sakonenak eta exoplaneta baten espektroskopia-datu zehatzenak. “Kosmosaren ikuspegi berri eta iraultzaile bat”, Bill Nelson NASAko administratzailearen... [+]


Eguneraketa berriak daude