Ikus-entzunezkoak izango ditu ardatz Euskarabildua jardunaldiak

  • Ikusi eta entzun. Multimedia produkzioaren gako komunikatibo eta teknologikoak izenburupean egingo da Euskarabildua jardunaldia, urriaren 11n, Koldo Mitxelena kulturguneko Areto Nagusian. Ikus-entzunezkoak izango ditu ardatz Iametza eta ARGIAk antolatutako ekimenak.


2013ko uztailaren 17an - 00:00
Azken eguneraketa: 2015-02-26 13:37:33

Bi arlo nagusi jorratuko dira: teknologia eta komunikazioa. Hau da, “ikerketak une honetan zertan diren eta nola baliatu bideoak komunikazio helburu jakinak betetzeko”. Horretarako, bost ponente bilduko ditu aurtengo edizioak:

Pablo Iglesias La Tuerka saioaren aurkezlea, multimedia teknologia jorratzen duen Vicomtech - IK4 enpresa, Euskal Herriko hiru hizkuntza ofizialak barneratzen dituen lehen Hizketa Ezagutza Automatikorako sistema garatu duen Nora Barroso ingeniaria, Carles Solà Plataforma per la Llengua erakundeko kidea eta Axier Lopez ARGIAko multimedia arduraduna.

Berrikuntza gisa, ponentziez gain, lehiaketa bidez hautatutako hiru bideo labur proiektatuko dira jardunaldietan. Ikus-entzunezkoetan oinarritutako egitasmo edo proiektu batean murgildutako erakundeek parte hartu ahal izango dute lehiaketan.


Kanal honetatik interesatuko zaizu: Euskarabildua
2023-10-26 | ARGIA
Ikusi hemen Euskarabilduaren jardunaldiak

Euskarabildua jardunaldiak egin dituzte Donostiako San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Egunerokoan baliagarriak diren teknologia burujabe eta libreak ezagutzera eman ditu jardunaldiak. Euskaraz lan egitea... [+]


2023-10-25 | ARGIA
Odoo erakundeentzako ERP librea aurkeztuko dute Euskarabildua jardunaldietan

Beñat Irasuegi Talaios Kooperatibako kideak Odoo tresna librea aurkeztuko du Euskarabildua jardunaldietan ostegunean Donostiako San Telmo museoan.


2023-10-24 | ARGIA
Mailtrain: e-mail marketin-erako software libre eta burujabea aurkeztuko dute Euskarabilduan

Mailtrain e-posta bidalketak egitea ahalbidetzen duen software librea da. Norberaren zerbitzarian instalatzeko aukera eman eta datuen pribatutasuna zaintzen du.


2023-10-24 | ARGIA
Hodeian informazioa gorde eta partekatzeko alternatiba burujabea Euskarabildua jardunaldietan: Nextcloud

Hodei propioa eraikitzea ahalbidetzen duen software librea da Nexcloud, datuen pribatutasuna zaintzen duena. Dokumentuen biltegia eta partekatzeko gunea izateaz gain, bestelako funtzionalitateak ere integratzen ditu: bideo-deiak egiteko Talk sistema; egutegia; posta... [+]


2023-10-20 | ARGIA
Software librea, kode askea eta teknologia burujabetza, sarritan nahasten ditugun kontzeptuak argituko dituzte Euskarabilduan

Herritar gehienontzat hiru kontzeptuek esanahi bera izan ohi dute: teknologia burujabetza eta software librea sinonimoak dira, baita librea izatea eta kode askekoa izatea ere. Baina nahiz eta harremana duten kontzeptuak izan, ez dira gauza bera.


Eguneraketa berriak daude