Ikatz meategi bat okupatu dute Alemanian, klima aldaketaren aurka
Klima aldaketaren aurka, Lusaziako (Alemania) meategi bat okupatu dute mundu osoko 3.500 aktibistek maiatzaren 13tik 16ra bitartean. Vattenfall energia enpresa da ikatz meategiaren jabe.
Ekintzaren bideoa hedatu dute.
Alemaniako energia enpresa garrantzitsuenen artean dago Vattenfall eta bere esku dituen ikatz meategiak saldu nahi ditu. Ekintzaileek azaldu dutenez, erosleak diru asko inbertituko du lignito harrikatzaren ustiatzean, meategiaren biziraupena bermatuz.
Ikatz meategiak ixteko exijitu dute, “klima aldaketan duten eraginagatik”. Bestelako energia eredu bat aldarrikatzen dute, “iraunkorragoa eta garbiagoa”. Klima aldaketaren aurkako nazioarteko kanpainaren baitan kokatu dute ekintza.
Meategien ustiatze jardueraren aurka egingo dutela azaldu dute ekintzaileek: “Erosleen etekinak murriztuko dituzte protestek, eta meategien prezioak jaitsi beharko dituzte saltzaileek; tratua erdiesteko zailtasunak izango dituzte. Horregatik, lignitoan inbertitzeko asmoen aurrean erresistentzia erabiltzeko hautua berresten dugu”.
Protestak
Lehenago ere egin dituzte gisako protesta ekintzak. 2015eko abuztuan, Coloniako ikatz meategia okupatu zuten 1.500 ekintzailek. Induskagailuak blokeatu zituzten eta meategiaren jarduera eten.
Azken urteetan, klima aldaketaren kontrako ekintza ugari egin da. 2015eko uztailean, Londreseko Heathrow aireportua blokeatu zuten hamahiru ekintzailek: Plane Stupid mugimenduko kideak aireratze pistan kateatu ziren hirugarren pista bat eraikitzeko asmoa salatu eta aldaketa klimatikoaren arazoa ikusarazteko.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]