EHU ikasleko segurtasun aurrekonturik handiena duen unibertsitatea da, Espainiako Estatu mailan
Termino absolutuetan, bigarren postuan dago bere segurtasun gastua, Madrilgo eta Bartzelonako unibertsitaterik handienen gainetik. Ikasle bakoitzeko, 81,96 euro xahutzen ditu EHUk segurtasun enpresei ordaintzen.
aurre egingo dieten hedabide independenteak
Ugariak dira Espainiako Estatuan Euskal Herriko Unibertsitateak (EHU/UPV) baino ikasle gehiago edo hark bezainbeste dituzten unibertsitate publikoak: Urrutiko Hezkuntzarako Espainiako Unibertsitatea (UNED), Madrilgo Complutense Unibertsitatea (UCM), Sevillako Unibertsitatea (US), Valentziako Unibertsitatea (UV), Granadako Unibertsitatea (UGR), Bartzelonako Unibertsitatea (UB) eta Bartzelonako Unibertsitate Autonomoa (UAB), hurrenez hurren. Hala ere, unibertsitate horietako bakar batek ere ez du EHUk baino gastu handiagoa egiten segurtasun enpresetan ikasle bakoitzeko.
Matrikulatutako ikasle kopuruak eta segurtasun gastuen inguruko datuak gurutzatu ditugu, 2022. edo 2021. urteko zifretara jota eta eskuragarritasunaren arabera. EHUn 44.791 ikasle zeuden matrikulatuta 2021ean, eta GEDAR LANGILE KAZETAk duela gutxi argitaratu moduan, 3.671.449 euroko aurrekontua izan zuen unibertsitateak segurtasun arlorako. Beraz, EHUren urte hartako segurtasun gastua ikasleko 81,96 eurokoa izan zela ondorioztatu daiteke.
Beste unibertsitateekiko aldea
Espainiako Estatuko gainontzeko sei unibertsitate publiko jendetsuenetan EHUn baino segurtasun ratio ekonomiko apalagoak aurki daitezke: UCMk, 70.000 bat ikaslerekin, 1.449.268 euro bideratu zituen segurtasun zerbitzura (29,7 euro ikasleko); UABek, 40.000 ikasle ingururekin, 1.620.495 euroko segurtasun gastua izan zuen (40,50 euro); USk, 69.800 ikasle izanda, 5.500.453 eurokoa (78,90 euro ikasleko); URJCk, 38.394 ikaslerekin, 2.684.991 eurokoa (68,93 euro ikasleko); eta azkenik, UBk, 62.089 ikaslerekin, 3.147.000 eurokoa (50,68 euro ikasleko). Are gehiago: termino absolutuetan ere ikus daitekeenez, EHUk segurtasun aurrekontu handiagoa du berak baino ikasle gehiago dituzten zenbait unibertsitatek baino, UCM eta UB kasu.
Granadako eta Valentziako unibertsitateak ere Espainiako Estatuko jendetsuenen artean daude, baina euren aurrekontuetan segurtasun arloko gastu zehatzak aitortzen ez dituztenez, ezinezkoa da aurreko eragiketak egitea. Bestalde, bitxikeria modura, Espainiako Estatuan ikasle gehien dituen UNED unibertsitate publikoa EHUren beste muturrean kokatzen da. 2022an, 1.426.180 euro gastatu zituen segurtasunean, 156.463 ikasle izanda. Ikasleko 9,11 euroko segurtasun gastu hori guztiz ezohikoa da, baina baita logikoa ere, hango ikasle ugarik ez baitute modu presentzialean ikasten.
Aurrekontu orokorraren barruan
Segurtasun enpresetan egindako gastuak aurrekontu orokorraren barruan hartzen duen zatia aztertuz gero, EHUk 2022. urteko diru-partida osoaren (460.649.759 euro) %0,79 bideratu zuen segurtasunera. Indize honetan, zertxobait apalagoa da EHUren posizioa beste unibertsitateekin alderatuta, eta horrek badu zerikusirik EHUren aurrekontuaren tamainarekin: berea izan zen 2022an Espainiako Estatuko unibertsitate publikoen artean bigarren aurrekonturik handiena. Beraz, posible da faktore horrek ikasleko segurtasun gastuaren indizean ikusitako aldea zertxobait estaltzea. Hala ere, EHU ez da sailkapenean atzean geratzen, ezta gutxiagorik ere: 263.032.594 euroko aurrekontu orokorraren %1,02 segurtasunera bideratuta, URJC da lehena, 551.112.201 euroko aurrekontudun US bigarrena (%0,99) eta, aipatutako zifrekin, aurrekontu orokorraren araberako segurtasun gastuan hirugarren postuan legoke EHU.
352.300.000 euroko aurrekontuarekin UCMk (%0,43) eta 443.650.000 eurokoarekin UBk (%0,70), estatu mailako hiriburu nagusietako unibertsitate erraldoi horiek, aurrekontu orokorraren gaineko segurtasun gastuan ere, atzetik jarraitzen diote EHUri, berak baino milaka ikasle gehiagorekin. Bosgarren eta seigarren postuetan UAB (%0,46) eta UNED (%0,53) daude, hurrenez hurren.
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
Aurrerantzean, Gipuzkoako klub batean jokatu nahi duen 8-12 urteko umeak ez du derrigorrez Eskola Kirolean parte hartu beharrik izango, EAEko Auzitegi Nagusiak hala ebatzita. Multikirol ereduaren kontrako errekurtsoa jarri duen familiaren hitzetan, ez da bidezkoa erakundeek... [+]
Palestinan gertatzen ari denarekiko haurrak ekidistantzian heztea ezinezko bihurtu da ikastetxe (eta etxe) gero eta gehiagotan. Adinaren arabera zer eta nola kontatu konplexua izan badaiteke ere, giza eskubideak, heriotza, injustizia… mintzagai dira ikasgela gero eta... [+]
IAk egin du deialdia, eta aurreratu du, Askatasunaren Ontzidiari erasotzen badiote, egunez aldatuko duela greba. "Estatu sionistarekin konplizeak diren instituzio zein enpresak irmoki seinalatzeko" baliatuko dute eguna.
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
DBH, Batxiler eta Lanbide Heziketan irakasle izateko ez dela zertan irakaskuntzan formakuntzarik jaso, aski dela ikasgai horretako edukiak menperatzearekin. Hori legeztatzeko eskatu diote Espainiako Gobernuari hainbat erkidegotatik, eta gaia lehen planora ekarri berri du ELGAk,... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
