Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea batzuek, beste batzuek soinu ekipoa prestatzen eta musika taldeetako kideei harrera egiten diharduten bitartean. Entsalada, barazki, kuskus eta beste, guztientzat nahikoa egongo ote denaren kezkak tripak pixkat estututa bada ere, soinu-probak bukatzerako prest dago mahaia. Atentzioa eta mimoa jarri dizkiogu behintzat. Eta afaria prestatuta gaztetxera sartzean, estutasunak gorantz egin dit urdailean. Ezarritako orduak jo duenean, kolektiboko kideak eta hiru taldeetako musikariak batuta ere, erdi-hutsik dago gaztetxea. Hutsuneak hutsune, gaudenak gara eta has gaitezen.
Urdaibai epizentro duen Aposapo talde berria izan da lehenengoa, eta bigarren abestirako baretu dira estutuak. Stoner musika eta atmosfera psikodelikoak nahastuta, 40 minutuko bidaia bat eskaini digu hirukoteak. Azaroan kaleratutako lehen EPa oinarri, riff astunak, abesti batetik besterako zubiak, kalitatea eta segurtasuna egon dira oholtzan. Haiek zuzenean ikusten nituen lehen aldia nuenez, sorpresa polit bat poltsikoan gordeta bukatu dut zuzenekoa.
Ostean Mäte taldekoek hardcore punka ekarri digute Zarauztik; abiadura eta garrasiak, alegia. Eskura dituzten baliabideak, irudimena eta haserrea izan dituzte lan-tresna zortzi abestiz osatutako maketa osatzeko. Eta abesti horiek jo dituzte, lau hilabetez entsegurik egin gabe egon direla ohartarazita ere, txukun eta zuzen. Bukatzerako askatu ditut tenkatutako gorputz-atalak.
Eta amaitzeko, Daño Dolorren zarata iluna. Noise musikak ohi duen eran, soinu musikalaren eta ez musikalaren arteko bereizketari hordagoa botata, zarata dute soinu eta praktika sortzailerako funtsezko alderdi. Cosmic Tentaclesen definizioan irakur litekeen gisan, “berehalakotasun mingarri hutsa” izan da zuzenekoa, ezinbestean dosi txikian hartu beharrekoa.
Gaua amaitzear, oraindik ia beteta zegoen kuskusaren lapikoa. Gaztetxean hutsuneak nonahi eta lapikoan hutsuneak falta. Pozik noa etxera, hala ere. Biak ala biak nahi duenak gozatzeko mimoz prestatuak izan baitira. Leku handiak erraz betetzen diren garaiotan, leku txikiak hutsunez beteta egon ohi direla, baina hutsuneak maite dituela esan zuen Esanezin taldeko abeslariak aurreko egunean herriko kulturgunean emandako kontzertuan. Hutsuneak ziren han ere nagusi. Guretzat kezka iturri dira hutsuneak sarri, taldeen ordaina haien araberakoa izateaz gain, herriko kultura musikalaren adierazgarri ere badirelako. Baina maite ditut, haatik. Handiak handiago, BECago, sold-out-ago, historikoago izan nahi duten garaiotan, guk txiki izaten jarraitu nahi baitugu. Txikiak txikiari, bazterrari eta mimoari egiten baitio leku, eta hutsuneak libreago den dantzari.
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]
IDOIA ASURMENDI
Non: Bilboko Kafe Antzokian.
Noiz: maiatzaren 29an.
AZETangana! eta Mark Duti
Non: Tira IV jaialdia, Gasteizko Korda espazioan eta Gaztetxean.
Noiz: maiatzaren 10ean.
BRN + Auzoko eta Sain mendi + Odei + Monsieur le crepe eta Muxker
Zer: Uzta jaia.
Noiz: maiatzaren 2an.
Non: Bilborock aretoan.
---------------------------------------------------------
Ereindako haziek ura, argia eta denbora behar dute ernaltzeko. Naturak berezko ditu... [+]
