Horrela txalotu du Argentinako apaiz batek abortuaren legalizazioaren aldeko politikari baten heriotza: "Jainkoak bizitza abortatu dio"

  • Argentinako Villa Mercedes hiriko alkateorde Veronica Bailone asteazkenean hil da, biriketako minbiziak jota. Egun berean Juan Maria Casamayor apaizak honakoa idatzi du Facebooken: "Abortuaren alde zegoen, Jainkoak kasu egin eta bizitza abortatu dio".


2020ko irailaren 04an - 12:37
Juan Casamayor Union herriko apaiza

Pasa den urtean hartu zuen udal-kargua Veronica Bailonek eta handik gutxita diaknostikatu zioten biriketako minbizia. Asteazkenean hil da. Aurretik hainbat borroka sozialetan aritutakoa zen Bailone, tartean Argentinan azken urteotan indar handia hartu duen abortuaren eskubidearen alde. Askotarikoak izan dira mugimendu feministak aldarrikapen horren aurrean aurkitu dituzten oztopoak eta kritikak, eta horien buru Eliza Katolikoa izan da.

Emakumeen gorputzaren aurkako 'gurutzada' ideologiko horren azken pasarteetako bat da hau. Villa Mercedeseko alkateordearen heriotza jakitera eman duten egunean, Juan Maríaa Casamayor apaizak, bere izen eta abizenez, iruzkina argitaratu zuen Unión herriko –hango apaiza da– Facebook kontu ofizialean, Bailonen heriotzagatik atsekabea adierazteko idazki batean. Ondokoa adierazi zuen hitzez hiz: "Bera abortuaren alde zegoen, eta Jainkoak kasu egin eta bizitza abortatu dio".

Casamayorren iruzkina, ondoren, ezabatu zuten, Unión herriko alkate Marcos Gabriel Espositoren aginduz. Bestalde, Gabriel Barba San Luiseko gotzainak komunikatu kritikoa zabaldu zuen, eta Casamayorri eskatu zion publikoki barkamena eskatzeko, zoritxarreko iruzkinagatik
Veronica Bailone ekitaldi batean.

Kanal honetatik interesatuko zaizu: Abortu eskubidea
2024-03-12 | Euskal Irratiak
Jacqueline Idiart
"1970eko hamarkadan milioi bat emaztek abortatzen zuten Frantzian legez kanpo"

Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


"Aborturako askatasuna" konstituzioan jasotzearen alde bozkatu du Frantziako Senatuak

267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.


Espainiako Gotzainen Batzarraren aurka Donostian agertutako kartelak ikertzeko eskatu dute Abokatu Kristauek

Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]


Elizaren pederastia kasuak salatzeko kartelak agertu dira Donostian

Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".


Eguneraketa berriak daude