AEBetako Segurtasun Agentzia Nazionalaren (NSA) espioitza programak azaleratu ostean, Edward Snowdenek Hong Kongeko familia batzuengan bilatu zuen babesa. Familia horiek gobernuak deportatzeko arriskuan daude orain.
Hong Kongen asiloa eskatzen ari diren Sri Lankako eta Filipinetako hiru familiak lagundu zuten Snowden; familien abokatu Robert Tibbok jarri zituen kontaktuan Snowdenekin. Bi astez eman zioten babesa Snowdeni 2013an, AEBetako milaka dokumentu sekretu argitaratu ostean klandestinitate egoeran zegoenean. Gaur, ordea, haiek daude kanporatzeko mehatxupean, familien asilo eskaera ukatu baitute Hong Kongeko agintariek.
Familien abokatuek diote Snowdeni eman zioten babesagatik Hong Kongeko agintariek beren kontrako jarrera hartu dutela.
2013ko ekainean Interneteko enpresa nagusien eta espioitza agentzia estatubatuarraren praktikak azaleratu zituen CIAko langile ohiak. AEBen erantzuna saihesteko Hong Kongen babestu zen, eta han hiru familien laguntza izan zuen. Ez zuen luze iraun han, AEBek estradizio eskaera egin zuten, eta Snowdenek Errusiara ihes egin zuen. Han jarraitzen du gaur egun.
AEBetako epaitegi federal batek asteazken honetan NSAko agente ohi bat salatu du, ustez herrialdeko defentsa-alorreko informazioa lapurtu duelakoan.
AEBetako NSA Segurtasun Agentziak Dilma Rousseff Brasilgo presidenteari eta bere gobernuko kideen beste 29 telefonotan egindako entzuketen berri eman du Wikileaksek, joan den larunbatean filtratutako dokumentuan.
Jacques Chirac, Nicolas Sarkozy eta François Hollande zelatapean. AEBetako inteligentzia zerbitzuek Frantziako azken hiru presidenteak zelatatu dituzte Wikileaksek lortu eta Libération eta Mediapart hedabideek asteazkenean argitaratutako informazioaren arabera.
Telefono konpainia britainiarrak onartu du bere sareak eta gainontzeko konpainienak ezkutuko mekanismoak dituztela, agentzia sekretuek sarean gauzatzen diren elkarrizketak entzun ahal izateko.
The Guardian eta The Washington Post egunkariei eman diete Informazio publikoa Pulitzer sari nagusia, AEBetako espioitza masiboei buruz argitaratu duten informazioagatik. Edward Snowden, CIAko analista ohiak emandako dokumentuei emandako trataeragatik saritu dituzte.