ARGIA.eus

2021eko apirilaren 21a

Wikileaksek filtratu du Frantziako azken hiru presidenteak ere zelatatu dituztela AEBek

  • Jacques Chirac, Nicolas Sarkozy eta François Hollande zelatapean. AEBetako inteligentzia zerbitzuek Frantziako azken hiru presidenteak zelatatu dituzte Wikileaksek lortu eta Libération eta Mediapart hedabideek asteazkenean argitaratutako informazioaren arabera.

Lander Arbelaitz Mitxelena @larbelaitz
2015eko ekainaren 24a
Frantziako azken hiru presidenteak zelatatu dituzte AEBk.

2006tik 2012ra gutxienez, estatuburu horien eta beren kolaboratzailerik gertuenekoen telefonoak 'pintxatu' zituzten. "Eliseo Espioitza" operazioaren baitan, horien elkarrizketak transkribatu eta sailkatu zituzten beren agenteei bidaltzeko.

Libération egunkariko zuzendari Laurent Joffrinek baloratu du "tamaina handiko operazioa" izan dela eta argitaratu dutena NSAk jasotako informazioaren parte txiki bat dela.

Lotura honetan ikus daitezke Wikileaksek argitaratutako bost kable. Gai anitzak jorratzen dizute: Hollanden bilera Grezia euro-gunetik ateratzeko zorian zela, Frantziaren kexuak AEB Frantzia zelatatzen ari zelako, Chiracen proposamenak NBEri buruz, Sarkozy Israel-Palestina elkarrizketei buruz, eta Sarkozyren asmoak Frantziak finantza krisitik irteteko orduan zuen planaz.

"Lagunen artean zelatatzea, hori ez da egiten", adierazi zuen 2013an Alemaniako kantziler Angela Merkelek Der Spiegel astekariak argitaratu zuenean AEBek bere sakelako telefonoa 'pintxatuta' zutela.

"Behintzat Alemaniarrak bezain garrantzitsuak garela pentsatzen dute", dio Wikileaks-ek eginiko marrazki honek.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Espioitza  |  Wikileaks  |  NSA

Espioitza kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude