Hondarribiko alarde parekidearen kontrako jazarpenak koska bat gora egin du
Emakumeek gizonen baldintza berdinetan desfilatu dezaketen Jaizkibel Konpainiari izugarrizko jazarpena egin diote alarde diskriminatzailearen aldekoek larunbatean.
"Betiko alardea" jartzen zuten kartelak, plastiko beltzak, txiribituak eta bozgorailuak eskuartean hartuta prest egon ziren bezperako goizetik alarde parekidearen aurkakoak, Jaizkibel Konpainiaren desfilearen aurka protestatzeko.
700 kidez osatutako alarde parekidearen desfilea 8:00etan Oihana Etxebarrieta kapitain zuela Kale Nagusian sartu zenean, desfile baztertzailearen aldekoek giroa nahasi zuten. Jaizkibel konpainiako kideek minduta bukatu zuten: “oso gogorra” izan dela azaldu zuen Etxebarrietak.
Arratsaldeko desfilean ere egoera berdintsua izan zen Kale Nagusian. Goizean bezala, plastiko beltzak, kartelak eta oihuak nagusitu ziren. Kalean gora abiatu aurretik, Eusko Jaurlaritzako Segurtasun sailak plastiko beltzen aurka egindako ebazpena betetzeko eskatu zioten Ertzaintzari Jaizkibeleko hiru kidek. “Zuek baino hobeto dakit zer egin behar dudan”, erantzun zien poliziak. Hala ere, gaineratu zuen, ebazpena bete ez dutenei isunak jarriko dizkietela.
Asko dira Jaizkibeli babesa erakutsi diotenak
Nahiz eta udaltzainek berehala kendu, mugimendu feministak, “alardea feminista izango da edo ez da izango” zioen pankarta zintzilikatu zuen, Jaizkibeli babes keinu gisa.
Izaskun Landaida Emakundeko Zuzendariak aitortu duenez, “benetan tristea izan da ikusi behar izan duguna; Jaizkibel desfilatzen, neskak negarrez”.
Eider Mendoza Gipuzkoako Batzar Nagusietako lehendakariak adierazi duenez, larunbatekoak "nabarmen uzten du elkarbizitzaren aldeko lan izugarria dagoela egiteko; izugarria, oraindik ere".
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Inkestatuen %45,6k alarde parekide bakarra nahiago du herriarentzat eta %65ak baino gehiagok alardearen gatazka konpontzeko herritarrek gai horren inguruko hitzaldi eta tailerretan parte hartu behar dutela adierazi dute.
Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta... [+]
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute... [+]