Homofobia, lesbofobia eta transfobia nabariak dira Gasteizen

  • LGTBI pertsonek jasaten duten jazarpena nabaria dela ondorioztatu du ikerketa berri batek. Gasteizko Udalak eskatutako lan bat da eta genero nahiz aniztasun sexualen esparruko beharrei erantzuteko xedearekin gauzatu dute.

Miren Osa Galdona @Mirentx_U
2017ko abenduaren 18a

Irainak, erasoak eta mespretxuzko begiradak pairatzen dituzte egunero LGTBI kolektiboko herritarrek. Sentsibilizazioan eta formakuntzan fokua jartzea ezinbestekoa dela diote txostenaren egileek.

Kualitate Lantaldeak eta Aldartek eginiko ikerketa da. Ikuspuntu intersekzional batetik jorratu dute gaia, hau da, elkarrizketatu bakoitzaren errealitatea aintzat hartuz: adina, jatorria, aniztasun funtzionala, egoera profesionala…

Txostenak ondorioztatzen duenez, oroar gasteiztarrei ez zaizkie interesatzen LGTBI kolektiboaren beharrak; herritarrak ez dira kezkatzen kolektiboaren egoeraz. Askoren begietara ikusezinak dira eta gaur egun espazio publikoa arriskutsua dela adierazi dute, ez baitira “seguru” sentitzen. Esaterako, Gasteizko Jaietan babesgabe sentitzen diren urteko unerik esanguratsuena dela zehazten du txostenak. Halaber, emaitzek diote Gasteizko Txosnak eremurik seguruena direla.

Hezkuntza arloan, hainbat kasutan, irakasleen aldetik ere erasoak jasaten dituztela nabarmendu dute; osasunaren esparruan atera duten ondorioa profesionalek kolektiboarekiko duten ezagutza eza da, buruko gaixotasunak artatzeko orduan kasu. Sentsibilizazioa eta formakuntza giltzarritzat jo dituzte egileek, “berdintasuna bermatzeko, bereizkeriekin amaitzeko eta etorkizun oparotsu bat eraiki ahal izateko”. 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: LGBTI

LGBTI kanaletik interesatuko zaizu...
Irakasleak armairutik ateratzea, ikasleentzat mesedegarri

Norbere identitatea natural bizi eta ikusgarri egiteko beharretik harago, beste arrazoi inportante bat ere aipatzen dute ikastetxean armairutik ateratzea erabaki duten LGTB irakasleek: eskolako curriculumetan aniztasuna oraindik hain hutsala denean, erreferente bihurtzen dira bakarrik sentitu daitekeen LGTB ikaslearentzat eta oro har ikasle guztientzat, eta bullyinga murrizteko lagungarria da.


2018-09-14 | Kate Davis
Stonewall-eko istiluak
MULTIMEDIA - dokumentala

Stonewall-eko istiluak 1969ko ekainean gertatu ziren New York hirian: LGTB mugimenduaren pizkunde politikoaren ikurretako bat dira. Harrotasunaren Eguna ospatzen da gaur egunean mundu guztian haren omenez. Dokumental honek lekukotasun eta garaiko irudiekin ilustratzen du gertatutakoa, eta orduan Estatu Batuetan bizi zen giroa. Gertakari haiei riots esan ohi zaie historian (istiluak), baina dokumentalak uprising edo altxamendu hitza hobesten du, eta ondo ulertzen da hori ikusten... [+]


Homosexualitatea despenalizatu du Indiako Auzitegi Gorenak

Lege koloniala bertan behera utzi dute ziurgabetasunezko hamarkadak eta gero.


2018-08-29 | ARGIA
Bederatzi urteko ume batek bere buruaz beste egin du AEBetan, eskolan homosexuala zela aitortu ostean

Bere semearen heriotzaren atzean eskolan jasaten zuen bullying homofoboa zegoela ziurtatu du mutikoaren amak, hainbat hedabide estatubatuarrek jaso dutenez. Polizia kasua ikertzen ari da.


"Euskal Herrian bakarra nintzela pentsatzea". Heterosexual ez direnen bizipenek hartu dute Twitter

“Gizonezko nire bikotekidea gaixo jartzea eta ospitalean ezin bisita egitea, bere familiak ez dakielako beste gizon batekin dagoela maiteminduta”, dio Álvaro Cuencak. “13 urterekin klaseko batek ‘zergatik hitz egiten duzu nesken moduan?’ galdetzea eta luma zer den ikastea (orduan izenik jartzen ez nion arren) eta nintzena ezkutatu behar nuela barneratzea” kontatu du Garu jat izena erabiltzaileak. #MeQueer traolapean, norbere bizipenak kontatzen ari da... [+]


Munillari eskainitako muxukada kolektiboa deitu dute Harrotasun Egunerako

LGBTI Harrotasun Egunaren harira, ostegun honetan manifestazioa antolatu du Donostiako TransMarikaBollo+ kolektiboak eta geldialdia iragarri du Artzai Onaren parean. “Ez dagoelako jainkorik gure plazera ospatzen ez duenik! Munilla, deabrua zure bila” lelopean, muxukadara animatu dute jendea.


2018-06-27 | Bizkaie
E28 koordinadorak beraien aldarrikapenen merkantilizazioa salatu eta mobilizatzera deitu du

Bi manifestu plazaratu ditu asteartean E28 koordinadorak. LGTB+ kolektiboko emakumeen borroka gogoratzen du lehenengoak; ekainaren 28ko ekitaldien merkantilizazioa salatzen dute bigarrenarekin.


2018-06-26 | Hala Bedi
Ekainaren 28a, 2019ra modu serioago batean begira

Stonewalleko istiluen 50.urteurrenerako urtebete falta denean, Ekainaren 28ko koordinadora sortu da Gasteizen eta asanblada ezberdinak egin dituzte azken hilabeteetan. Aurtengo manifestazioari “kutsu serioagoa” emango diote, baina jaiaz gozatzeko aukera egongo da.


Eduki homofobo eta matxistak Osakidetzako oposizioetan

Gehitu elkarteak salatu du eduki LGTBIfobiko eta matxistak dituen liburu bat dagoela Osakidetzak bere Enplegu Publikorako Eskaintzan proposatu duen bibliografian. Bertan adierazten da, adibidez, homosexualitatea ez dela zerbait aldaezina, erasoak jasan ditzakeen emakumeak jakin behar duela “bere gorputzaren bidez zein mezu helarazten dion bikotekideari”, edota “itxura fisikoarekiko kezka” dela “emakumeen ahulguneetako bat”.


'Lehen LGTBI+ harrotasun eguna matxinada bat izan zen' jardunaldiak, Iru˝eko Maravillas gaztetxean

Zinema emanaldiak, autodefentsa eta LGTBI+fobiaren aurkako protokoloa, mugimenduaren ibilbide historikoari buruzko hitzaldia, tailerrak... Transmarikabollo asanbladak hainbat ekimen prestatu ditu 'Maravillas' gaztetxean.


Azkenak
EGILEA
Eguneraketa berriak daude