Hirugarren generoa modu ofizialean onartzeko pausoak eman dituzte Norvegian
Dokumentu ofizialetan hirugarren generoa sartzeko proposamena egin du Norvegiako Alderdi Laboristak, Pikara Magazinek jaso duenez. Legebiltzarrean ez dute onartu, baina proposamenak erakusten du identitate ez binarioak onartzeko bidean pausoak ematen ari direla, gizartean zein instituzioetan.
“Duela bost urte inork ez luke pentsatuko gaur egun pertsona transek onarpen legala izango luketenik, horregatik uste dugu gizarteak eta klase politikoak hirugarren kategoria onartuko dutela, lehenago edo beranduago”, adierazi dute Forbundet for Transpersoner i Norge (FTPN) transgenero elkarteko kideek. LGTB kolektiboan ez dute ezustekorik hartu proposamenaren ezezkoarengatik, Norvegiako Gobernua Alderdi Sozialdemokratak eta Alderdi Progresista ultraeskuindarrak osatzen dutelako. Aurrerapauso garrantzitsua izan dela esan eta lanean jarraitzeko asmoa erakutsi dute.
Hirugarren aukeraren bitartez pertsona guztiei egokitutako kategoria legalak existitzea eta bakoitzak berea aukeratu ahal izatea dira Alderdi Laboralistaren LGTB sailaren helburu nagusiak. Kategoriaz gain, familiari eta gurasotasunari lotutako arazo juridikoak konpontzea premiazkotzat jotzen dute, eta osasun sisteman ere aldaketak nahi dituzte: medikuek hormona tratamenduak eta gobernuak laguntza ekonomikoak ematea, besteak beste.
Gizartearekin lanketa berezia egitearen garrantzia azpimarratu dute. “Hirugarren kategoriak arazoak ekar ditzake gizartean, horregatik oso garrantzitsua da hezkuntza: informazioa zabaltzea, hirugarren generoa benetan zer den azaltzea”, adierazi dute FTPNko kideek.
Hirugarren generoa izendatzeko hainbat proposamen egin dituzte. Zabalduena hen da, Norvegian emakumezkoen eta gizonezkoen pertsona-izenordainak hun eta han direlako. Aldaketa egin nahi duten pertsonen kopuruari dagokionez, oraindik ez dago zifra ofizialik. 500 pertsona baino gehiagok aldatu dute genero legala Norvegian, eta FTNPk uste du antzeko zenbakia izan daitekeela.
6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Naizenek I. Nazioarteko Biltzarra antolatu du haur eta gazte transexualitateaz hitz egiteko. Egitaraua maiatzak 5 eta 6 artean egin dute eta hitzaldiz josia izan da. Eztabaida eta hausnarketa bateraturako "espazioak sortzeko" ezagutza arlo ugaritan espezializatutako 400... [+]
Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K... [+]
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Hainbat kolektibok salatu du Gurutzetako ospitaleko Genero Identitatearen Unitatean arreta jasotzen duten transei lehen harrera psikiatrikoko profesionalek egiten dietela, horrek transak patologizatzen dituela eta harrera endokrinoak egin beharko lukeela. Harrera endokrinoak... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek.
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.