“Herriko” ogia martxan, Ipar Euskal Herrian erabat sustraitutako proiektua
Herriko ogia saltzen dute Ipar Euskal Herrian duela bi astetik. Erabat bertako produktu eta metodoez ekoitzitako ogia da: garitik hasita, errotetatik igaroz eta okindegietako labeetaraino.
aurre egingo dieten hedabide independenteak
Guztira Amikuze eskualdeko hamar nekazari daude proiektuan sartuta. Felix Noblia Burgue-Erreitiko nekazariak (Nafarroa Beherea) Berria egunkariari adierazi dionez, beste hainbat nekazari begira dituzte dagoeneko, proiektuan sartu ala ez erabakitzeko.
Herriko ogia ekoiztearen abantailak azaldu ditu Nobliak artikuluan. Hark dioenez, duela hainbat urtetik artoak hasierako garia ordezkatu du ogiaren ekoizpenean. Kazeta.infok argitaratutako artikuluak dioenez, Euskal Herrian duela 40 urtetik ez da garia lantzen ogia egiteko. Ondorioz, gari egokia lortzeko jakintza desagertu dela ohartarazi dute, eta horrekin batera, gariak zekartzan zenbait onura (ur gutxiago behar duela, besteak beste). Herriko ogiaren proiektua gariaren ekoizpena berreskuratzeko asmoarekin sortu da.
Gastuak garia erabiliz txikiagoak direla ere argudiatu du Nobliak bestalde. “Artoak behar dituen ongailuen erdia behar du gariak”, dio Berrian.
Gariak hezetasunarekin eduki ohi dituen arazoak saihesteko, erresistentzia handiko mota aukeratu dutela dio nekazariak: Apache izena du, eta ez da Euskal Herrikoa. Alde horretatik, momentuz eraginkortasuna gainjarri diote etxekotasunari. Gerora, Euskal Herrian ekoiztutako garia erabiltzeko asmoa dute.
Gaur egun 200 tona gari ekoizten dira Herriko ogiarentzat. Arki errotako arduradun Nicole Auroy-Radulovicek Garan esan zuenez, 2.000 tonara iritsi nahi dute.
Oraingoz, bi errota ari dira proiektuan lanean. Okinei dagokienez, Mauletik Donibane Lohizunera 21 okinek saltzen dute oraingoz. Horietako batek, François Devant baionarrak, Herriko ogiak segurtatzen duen gardentasuna azpimarratzen du, irina beste irinekin ez delako nahasten, besteak beste. Prezio aldetik, okin bakoitzak finkatzen du ogi barra bakoitzaren prezioa.
Proiektuarekin Ipar Euskal Herriko ekonomia lokala eta ogiaren ekoizpen tradizionala bultzatu nahi dituzte.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Nunquam polluta dio Baionako lemak, erran nahi baitu "sekulan zikindu gabea" edo "sekulan hartu gabea", eta erreferentzia egiten die inbasio saiakera historikoei, espainiarrengandiko, frantsesengandiko eta ingelesengandiko saiakerak ez omen baitziren... [+]
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Hendaian etxebizitza larrialdi egoera bizia da: bizitokien %27 bigarren etxebizitza dira eta 700 familia alokairu sozial baten esperoan daude. Horren erdian, Herriko Etxeak Moleres izeneko 40.000 m2-ko eremuan 250 etxebizitza eraikitzeko egitasmoa jarri du mahai gainean... [+]
Diziplina askotan ibilia da Amaiur Epher (Izpura, 1994). Aktore lanak egiten ezagutu nuen orain urte batzuk. Diabolo Kiwi edo Frigo taldeekin erritmo dantzagarriak joz ikusi eta entzun du, ziur, batek baino gehiagok. Eta idazlea ere bada. Bigarren liburua argitaratu berri du:... [+]
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Euskal hizkuntzalaritza esperimentaleko katedra berria estreinatu dute Baionako fakultatean.
Hirurehun bat pertsona hurbildu ziren jende katea osatzeko Marengo eta Pannecau zubien artean.
Arrazismoaren aurkako nazioarteko eguna kari, larunbat honetan 16 alderdi, kolektibo eta elkartek deia luzatu dute, Baionako Marengo eta Pannecau zubien artean giza kate bat osatzeko. Aniztasuna, elkartasuna eta giza eskubideen errespetua aldarrikatzera deitu dute,... [+]