ARGIA.eus

2021eko urriaren 20a

Herri kurduaren aldeko 'Newroz eguna' antolatu dute Donostian igande honetarako

  • Uliako Lore Baratzeetan izango da eta egun osoko egitaraua antolatu du Herri Kurduaren Aldeko Donostiako Ekimenak. Martxoaren 21ean, urtero milioika kurduk udaberriaren iritsiera ospatuz, herri gisa badirela nor aldarrikatzen dute. Aste honetan PKKko buru Abdullah Oçalan APO hil ote den zurrumurruak zabaldu dira, eta adibidez, bere ilobak hedabide kurdu bati adierazi dio ezin dutela berarekin harremanetan jarri eta ez dakitela nola dagoen.

Lander Arbelaitz Mitxelena @larbelaitz
2021eko martxoaren 17a
Newroz egunean udaberriaren iritsiera ospatzen dute mundu osoko kurduek. Irudian, Palangan herriko herritar bat Ekialdeko Kurdistanen (Iranen menpe), sua pizteko ekitaldian. (Salar Arkan)

Groseko negutegietan (Ategorrieta etorbidean) herri kurduaren lagunek hitzordua daukate Donostian, igande honetan. Egitarau oparoa antolatu dute egun osoan zehar, 12:30ean hasira.

Deialdiaren afixa.

Harreraren ostean, kurduen proposamen politikoa jasotzen duen konfederalismo demokratikoari buruzko tailerra egingo dute 13:00ean. 14:30ean bazkari autogestionatua, 15:30ean argazki erakusketa gidatua, 16:00tan turkiar faxismoaz hitzaldia, 18:00etan emanaldi kulturala, eta egunari amaiera omenaldi batekin emango diote, 18:30ean.

Antolatzaileek adierazi dute estimatuko dutela aurrez izen ematea joateko asmoa dutenek ondoreko e-posta helbidean: dherrikurduarekin@riseup.net

Oçalanen berririk ez dute

Aurtengo Newroz egunean, zeresana emango du askapen mugimendu politiko kurduaren buruzagi jotzen den Abdullah Oçalanen heriotzari buruzko zurrumurruek. Ez da lehen aldia, baina bere senide eta abokatuek salatu dute ezin dutela berarekin harremanetan jarri Turkiak bakartuta daukalako Imrali uharteko espetxean. Bere ilobak Rudaw hedabideari esan diote ez dakitela nola dagoen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Internazionalismoa  |  Kurdistan  |  Donostia

Internazionalismoa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude